औरंगाबाद | सध्या मराठवाड्यात कोरोना रुग्णांची संख्या काही प्रमाणात कमी होत आहे. मात्र तरी देखील व्हेंटिलेटर बेड्सची आवश्यकता भासत आहे. यावरून खासदार जलील यांनी केंद्र सरकारवर टीकास्त्र डागले आहे. केंद्र सरकारच्यावतीने मराठवाड्याला ‘पीएम केअर फंड’ मधून १५० व्हेंटिलेटर देण्यात आले, परंतू त्यातील अनेक खराब असल्याचा आरोप त्यांनी केला आहे. आपल्या ट्वीटर अकाऊंटवरून ट्वीट करत त्यांनी हा आरोप केला.
‘पीएम-केअरच्या माध्यमातून मराठवाड्याला १५० व्हेंटिलेटर मिळाले आहेत मात्र, त्यातील बरेचशे खराब आहेत. ज्या हॉस्पिटलला ते मिळाले त्यांच्या सांगण्यानुसार हे व्हेंटिलेटर अत्यंत सुमार दर्जाचे असून कोरोना रुग्णांसाठी ते उपयोगी पडतील अशी शक्यता कमीच आहे. यामध्ये मोठा घोटाळा असण्याची शक्यता आहे. मात्र, पंतप्रधानांडून आलेले व्हेंटिलेटर असल्याने मांजराच्या गळ्यात घंटा कोण बांधणार.’, असे ट्वीट खासदार जलील यांनी केले आहे.
Marathwada received 150 ventilators from PM-Care but most are defunct.Hospitals where they have been given have reported that they are of sub standard quality and hardly could be used for Covid.Major scam expected but who will bell the cat since it has come from PM! @asadowaisi
— Imtiaz Jaleel (@imtiaz_jaleel) May 10, 2021
दरम्यान, जलील यांनी आरोग्य कर्मचारी भरतीसाठी उच्च न्यायालयाच्या औरंगाबाद खंडपीठात याचिका दाखल केली होती. त्यानंतर आता त्यांनी व्हेंटिलेटरवरून थेट केंद्र सरकारवर निशाणा साधला आहे