‘या’ करन्सीने गुंतवणूकदारांना एका रात्रीत बनवले करोडपती, अवघ्या 24 तासात हजार रुपयांचे झाले 7.6 कोटी रुपये

नवी दिल्ली । क्रिप्टोकरन्सीच्या जगात अनेकदा विचित्र आणि अनोखे ट्रेंड पाहायला मिळतात. अलीकडे, “Squid Game” वेबसिरीजवर आधारित टोकन SquidGame मध्येही असाच ट्रेंड दिसून आला, जेव्हा अवघ्या काही दिवसांत त्याची किंमत अनेक हजार पटीने वाढली आणि नंतर ती एकाच दिवसात शून्य झाली. त्याच वेळी, Shiba Inu सारख्या Mimecoin ने या काळात हजारो गुंतवणूकदारांना लक्षाधीश बनवले आणि ते आता जगातील टॉप-10 क्रिप्टोमध्ये सामील झाले आहे.

या चढ-उतारांदरम्यान, क्रिप्टो जगाला थक्क करणारे नवीन कॉईन KokoSwap, ज्याने केवळ एका दिवसात 76,000 टक्क्यांहून जास्त रिटर्न देऊन आपल्या गुंतवणूकदारांना मालामाल केले आहे. KokoSwap हे एक दिवसापूर्वीपर्यंत कमी लोकप्रिय कॉईन होते, ज्याचे नाव क्वचितच कोणी ऐकले असेल.

मार्केट कॅप सुमारे 2 अब्ज डॉलर्स वर पोहोचली
Coinmarketcap च्या डेटानुसार, KokoSwap ची किंमत गेल्या 24 तासांमध्ये $0.009999 वरून $7.63 वर वाढली आहे आणि या कालावधीत 76,200 टक्के रिटर्न दिला आहे. मात्र, नंतर त्याच्या किमतींमध्ये थोडीशी घसरण झाली आणि दुपारी एक वाजण्याच्या सुमारास ते $5.85 च्या किमतीवर ट्रेड करत होते. या प्रचंड वाढीसह, KokoSwap ची मार्केट कॅप देखील सुमारे 2 अब्ज डॉलर्सवर पोहोचली आहे.

किंमत 76,000% का वाढली?
असे सांगितले जात आहे की, KokoSwap ने स्वतःला Etheruim प्लॅटफॉर्मवरून Binance स्मार्ट चेनकडे वळवले आहे आणि यामुळे त्याच्या किंमती वाढल्या आहेत. Binance स्मार्ट चेनमध्ये स्थलांतर केल्याने Binance इकोसिस्टममधील गेमर्सच्या मोठ्या संख्येपर्यंत पोहोचला आहे.

KokoSwap च्या किंमती वाढण्यामागचे कारण NFT बाबत लोकांची अलीकडे वाढलेली आवड हे देखील आहे. अलीकडच्या काळात, अमिताभ बच्चन, सलमान खानसह अनेक स्टार्स देखील अलीकडेच NFT क्रांतीमध्ये सामील झाले आहेत. KokoSwap हे असे डिसेंट्रलाइज्ड प्लॅटफॉर्म आहे जे युझर्सना NFT गेमिंग आणि NFT ट्रेडिंग आणि क्रिप्टो ट्रेंडिंग एकाच ठिकाणी पुरवते. NFT, Exchange, Staking, Fantasy आणि Arcade गेमिंग हे या प्लॅटफॉर्मचे प्रमुख फीचर्स आहेत.

You might also like