नवी दिल्ली । विदेशी पोर्टफोलिओ गुंतवणूकदारांनी (FPIs) ऑक्टोबरमध्ये भारतीय बाजारातून 12,278 कोटी रुपये काढले. याआधी ऑगस्ट आणि सप्टेंबरमध्ये FPIs हे भारतीय बाजारात निव्वळ खरेदीदार होते.
डिपॉझिटरी डेटानुसार, FPI ने 1 ते 29 ऑक्टोबर दरम्यान इक्विटीमधून 13,550 कोटी रुपये काढले आहेत. यादरम्यान त्यांनी डेट किंवा बाँड मार्केटमध्ये 1,272 कोटी रुपये ठेवले आहेत. अशा प्रकारे त्यांची निव्वळ काढणी 12,278 कोटी रुपये झाली आहे.
जास्त मूल्यांकनामुळे FPI माघार घेत आहेत
जिओजित फायनान्शियल सर्व्हिसेसचे चीफ इन्व्हेस्टमेंट स्ट्रॅटेजिस्ट व्ही के विजयकुमार म्हणाले, “उच्च मुल्यांकनामुळे FPI भारतातून सतत माघार घेत आहेत. मात्र, बँका आणि वाहन कंपन्या ते विकत घेत आहेत.”
FPI फ्लोचा संमिश्र कल
कोटक सिक्युरिटीजचे कार्यकारी उपाध्यक्ष, इक्विटी टेक्निकल रिसर्च श्रीकांत चौहान म्हणाले की, ऑक्टोबरमध्ये उदयोन्मुख बाजारपेठांमध्ये FPI चा फ्लो संमिश्र होता.
इंडोनेशियामध्ये $95.1 कोटी गुंतवणूक
या कालावधीत इंडोनेशिया, फिलीपिन्स आणि थायलंड यांनी अनुक्रमे $95.1 कोटी, $8 कोटी आणि $56.4 कोटी FPI मिळाले. दुसरीकडे, तैवान आणि दक्षिण कोरियामधील FPIs ने अनुक्रमे $263.3 कोटी आणि $280.1 कोटी काढले आहेत.