IOCL ने लाँच केले देशातील पहिले 100 ऑक्टेन प्रीमियम पेट्रोल, त्याची किंमत आणि खासियत काय आहे ते जाणून घ्या

नवी दिल्ली । प्रीमियम पेट्रोलच्या जगात भारताने आज एका नव्या उंचीला स्पर्श केला आहे. देशातील सर्वात मोठी सरकारी तेल कंपनी इंडियन ऑइल (Indian Oil Corporation) ने वर्ल्ड क्लास प्रीमियम पेट्रोल (World Class premium petrol) लॉन्च केले आहे. या प्रीमियम पेट्रोलला XP100 (100 Octane) पेट्रोल असे म्हणतात. केंद्रीय पेट्रोलियम आणि नैसर्गिक गॅस आणि पोलाद मंत्री धर्मेंद्र प्रधान यांनी देशातील 10 शहरांसाठी हे प्रीमियम पेट्रोल बाजारात आणले आहे. या कामगिरीमुळे भारत जगातील अशा काही देशांपैकी एक बनला आहे जो या पातळीच्या प्रीमियम पेट्रोलचा वापर करीत आहे.

केवळ 6 देशांमध्ये होतो आहे वापर
हे प्रीमियम पेट्रोल भारताशिवाय जगभरात यूएसए आणि जर्मनी सहित फक्त 6 देश आहेत जे ते वापरतात. हे जागतिक दर्जाचे पेट्रोल लॉन्च झाल्यानंतर लक्झरी मोटारी व महागड्या बाईकसाठी जर्मनी आणि अमेरिकेत आढळणारा खास पेट्रोल आता भारतातही उपलब्ध झाला आहे. भारतात त्याची किंमत प्रतिलिटर सुमारे दीडशे रुपये असल्याचे सांगितले जात आहे. दिल्ली आणि नोएडामध्ये त्याची प्रति लिटर 160 रुपये किंमत आहे.

XP 100 प्रीमियम पेट्रोलचा वापर केल्यास मिळतील ‘हे’ फायदे
हे प्रीमियम पेट्रोल अल्ट्रा मॉडर्न आणि अल्ट्रा प्रीमियम प्रॉडक्ट आहे. हे पेट्रोल वाहनांमध्ये उच्च पातळीची पॉवर आणि परफॉर्मन्स करण्यास सक्षम आहे. हे पेट्रोल लक्झरी कार आणि दुचाकी वाहनांच्या कामगिरीत आणखी सुधारणा करेल. सर्वात महत्वाची गोष्ट म्हणजे इंडियन ऑइलने आपल्या मथुरा रिफायनरीमध्ये स्वदेशी ओक्टामॅक्स तंत्रज्ञानाचा वापर करून हे विकसित केले आहे. ऑक्टेन 100 च्या वापरामुळे वाहनांच्या इंजिनची परफॉर्मन्स आणि अक्सेलेरशन वाढेल.

XP 100 पेट्रोल वापरल्याने वाहन चालकांना चांगलाच अनुभव मिळेल. इतकेच नव्हे तर यामुळे इंधन वाचविण्यात मदत होईल तसेच वाहनांच्या इंजिनचे आयुष्यही मोठ्या प्रमाणात वाढेल. सर्वात महत्त्वाचे म्हणजे ते पर्यावरणास अनुकूल असे इंधन आहे. या पेट्रोलच्या वापरामुळे कमीतकमी प्रदूषण उत्सर्जन होईल, असा कंपनीचा दावा आहे.

या शहरांमध्ये 1 डिसेंबरपासून XP 100 पेट्रोलची विक्री होईल
इंडियन ऑईलने बनवलेल्या योजनेनुसार हे प्रीमियम ग्रेड पेट्रोल दोन टप्प्यात 15 शहरांमध्ये विकले जाईल. पहिल्या टप्प्यात 1 डिसेंबरपासून दिल्ली, गुरुग्राम, नोएडा, आग्रा, जयपूर, चंदीगड, लुधियाना, मुंबई, पुणे आणि अहमदाबाद येथे विक्रीची योजना आहे. दुसर्‍या टप्प्यात हे पेट्रोल चेन्नई, बेंगलुरु, हैदराबाद, कोलकाता आणि भुवनेश्वरमध्ये उपलब्ध करुन देण्यात येणार आहे. सध्या इंडियन ऑईल ऑक्टेन 91 पेट्रोलची विक्री आणि मार्केटिंग करत आहे.

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.

You might also like