IRCTC Tour Package| पृथ्वीवरच राहून स्वर्गाचा अनुभव घ्यायचा असेल तर अशा लोकांनी आयुष्यात एकदा तरी लेह – लडाखला भेट द्यावी, असे आपण अनेक वेळा ऐकले असेल. परंतु प्रत्येकच व्यक्तीला नियोजन पूर्व पद्धतीने लडाखला जाता येत नाही. त्यामुळे, IRCTC ने लेह-लडाख फिरू इच्छिणाऱ्या लोकांसाठी सर्वात खास टूर पॅकेज आणले आहे. IRCTC च्या या पॅकेजअंतर्गत लेह-लडाखसह इतर अनेक जवळील ठिकाणांना भेट देता येणार आहे. तसेच यासाठी अधिक पैसेही मोजावे लागणार नाही.
IRCTC Tour Package विषयी माहिती
IRCTC ने आणलेल्या या टूर पॅकेजनुसार, पर्यटकांना लेह-लडाखसह पँगॉन्ग लेक, शाम व्हॅली, नुब्रा आणि तुर्तुक अशा सर्व ठिकाणांना अतिशय कमी किमतीत भेट देता येणार आहे. हे पॅकेज 6 रात्री आणि 7 दिवसांसाठी आहे. IRCTC चे हे टूर पाटणा येथून सुरू होईल. येथून तुम्हाला विमानाने थेट दिल्ली आणि नंतर लेहला नेले जाईल. परतीचा मार्गही तसाच राहणार आहे. खास म्हणजे, लेह ते दिल्ली आणि दिल्ली ते पटना हे 6 रात्री आणि 7 दिवसांचे पॅकेज IRCTC 28 जून ते
4 जुलैदरम्यान असेल.
खर्च किती येईल?? (IRCTC Tour Package)
या पॅकेजअंतर्गत तुम्हाला वाहतूक सेवा, राहणे आणि नाश्ता, दुपारचे जेवण आणि रात्रीच्या जेवणाची सुविधा मिळेल. हे टूर पॅकेज भारतीय रेल्वेच्या अधिकृत वेबसाइटवर EPA017 या कोडसह उपलब्ध आहे. या पॅकेजसाठी एका व्यक्तीला 67,600 रूपये भरावे लागते. तसेच, दोन व्यक्तींना 62,650 रुपये प्रति व्यक्ती भरावे लागेल. यासह तीन लोकांना एकत्र राहण्यासाठी पॅकेजची किंमत प्रति व्यक्ती 62,100 रूपये आहे. यात स्वतंत्र बेड हवे असल्यास 60,800 रुपये प्रति व्यक्ती भरावे लागतील.
IRCTC ची अधिकृत वेबसाइट
जर तुम्हाला IRCTC या टूर पॅकेजबद्दल अधिक माहिती जाणून घ्यायची असेल तर www.irctc.co.in या वेबसाईटवर जावे. याशिवाय ८५९५९३७७३२ आणि ८५९५९३७७२७ या क्रमांकांवर संपर्क साधावा.