नवी दिल्ली । प्राप्तिकर विभागाने (Income Tax Department) चालू आर्थिक वर्ष 2020-21 (FY21) मध्ये 2.38 लाख कोटींपेक्षा जास्त करदात्यांना 2.62 लाख कोटी रुपयांचा रिफंड दिला आहे. ही आकडेवारी 1 एप्रिल 2020 आणि 31 मार्च 2021 दरम्यान जारी केलेल्या रिफंडसाठी आहेत. यात पर्सनल इनकम टॅक्स प्रकरणात 2.34 कोटी करदात्यांना 87,749 कोटी रुपये रिफंड करण्यात आले, तर कंपनी कराच्या प्रकरणात 87,749 लाख प्रकरणांमध्ये 1.74 लाख कोटी रुपये रिफंड केले गेले.
प्राप्तिकर विभागाने दिलेल्या निवेदनात म्हटले आहे की, 2020-21 मध्ये टॅक्स रिफंड मध्ये सुमारे 43.2 टक्क्यांनी वाढ झाली आहे. या निवेदनात म्हटले गेले आहे की, “केंद्रीय प्रत्यक्ष कर मंडळाने (CBDT) 1 एप्रिल 2020 ते 31 मार्च 2021 दरम्यान 2.38 कोटींपेक्षा जास्त करदात्यांना 2.62 लाख कोटी रुपये रिफंड केले आहे.”
यापूर्वी 2019-20 मध्ये एकूण 1.83 लाख कोटी रुपयांचा टॅक्स रिफंड झाला होता. निवेदनात म्हटले आहे की, साथीच्या आजाराचा आर्थिक परिणाम कमी करण्यासाठी सरकारने अनेक पावले उचलली. त्यानुसार सीबीडीटीने जलदगतीने टॅक्स रिफंड जारी केला.
यासाठी तुम्हाला आयकर ई-फाईलिंग वेबसाइटवर जावे लागेल. येथे आपण आपल्या पोर्टलवर लॉगिन कराल. पोर्टल लॉगिनसाठी तुम्हाला तुमचा पॅन नंबर, ई-फाईलिंग पासवर्ड आणि कॅप्चा भरावा लागेल.
तुमचे पोर्टल प्रोफाइल उघडताच तुम्हाला ‘View returns/forms’ वर क्लिक करावे लागेल.
पुढील स्टेप मध्ये आपण ‘Income Tax Returns’ वर क्लिक करा आणि ड्रॉप डाऊन मेन्यूमधून सबमिट करा. हायपरलिंक अकनॉलेजमेंट क्रमांकावर क्लिक केल्यानंतर, एक नवीन स्क्रीन उघडेल.
या स्क्रीनवर आपल्याला फाइलिंगची टाइमलाइन, प्रोसेसिंग टॅक्स रिर्टनची माहिती मिळेल. यात फायलिंगच्या तारखेची माहिती, रिर्टन व्हेरिफाय करण्याची तारीख, प्रोसेसिंग पूर्ण होण्याची तारीख, रिफंड देण्याची तारीख आणि पेमेंट रिफंड याविषयीची माहिती असेल.
जर आपला टॅक्स रिफंड फेल झाला तर आपण या स्क्रीनवर आपल्याद्वारे दाखल केलेला फाईल रिफंड न मिळण्याचे कारण सांगितले जाईल.
राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी आमचा WhatsApp ग्रुप Join करा