IT Refund: इन्कम टॅक्स डिपार्टमेंटने 22 नोव्हेंबरपर्यंत करदात्यांना पाठवले ₹ 1.23 लाख कोटी, अशा प्रकारे तपासा रिफंडचे स्टेटस

नवी दिल्ली । चालू आर्थिक वर्षात (2021-22) 22 नोव्हेंबरपर्यंत इन्कम टॅक्स डिपार्टमेंटने 1.11 कोटींहून अधिक करदात्यांना 1,23,667 कोटी रुपयांहून अधिक रक्कम रिफंड केली आहे. हा आकडा 1 एप्रिल 2021 ते 22 नोव्हेंबर 2021 दरम्यान केलेल्या रिफंडचा आहे. यामध्ये पर्सनल इन्कम टॅक्स रिफंड 41,649 कोटी रुपये होता तर कॉर्पोरेट्सचा 82,018 कोटी रुपये होता.

इन्कम टॅक्स डिपार्टमेंटने ट्विट करून सांगितले की, “CBDT ने 1 एप्रिल 2021 ते 22 नोव्हेंबर 2021 दरम्यान 1.11 कोटीहून अधिक करदात्यांना 1,23,667 कोटी रुपयांहून अधिक पैसे रिफंड केले आहेत. 1,08,88,278 प्रकरणांमध्ये 41,649 कोटी रुपयांचा इन्कम टॅक्स रिफंड जारी करण्यात आला आहे आणि 1,81,218 प्रकरणांमध्ये 82,018 कोटी रुपयांचा कॉर्पोरेट टॅक्स रिफंड जारी करण्यात आला आहे.

गेल्या आर्थिक वर्ष 2020-21 मध्ये, इन्कम टॅक्स डिपार्टमेंटने 2.38 कोटी करदात्यांना 2.62 लाख कोटी रुपयांचा टॅक्स रिफंड जारी केला होता. 2019-20 या आर्थिक वर्षात जारी केलेल्या 1.83 लाख कोटी रुपयांच्या रिफंडच्या तुलनेत हे 43.2 टक्के जास्त आहे.

इन्कम टॅक्स डिपार्टमेंटच्या नवीन वेबसाइटवरून रिफंडचे स्टेट्स तपासा-
>> सर्वप्रथम तुम्हाला http://www.incometax.gov.in या वेबसाइटवर जावे लागेल.
>> यूझर आयडी आणि पासवर्ड टाका.
>> लॉगिन केल्यानंतर तुम्हाला ई-फायलिंगचा पर्याय दिसेल.
>> आता तुम्ही इन्कम टॅक्स रिटर्न निवडा
>> त्यानंतर View File Return वर क्लिक करा.
>> आता तुमच्या ITR चे डिटेल्स दाखवले जातील.

You might also like