नवी दिल्ली । क्रिप्टोकरन्सीचे मोठे समर्थक आणि ट्विटरचे माजी सीईओ असलेल्या जॅक डोर्सी यांनी डिजिटल करन्सीमध्ये एंट्री घेण्याची तयारी केली आहे. जॅक डोर्सीची कंपनी ओपन बिटकॉइन मायनिंग सिस्टीम तयार करण्यावर काम करत आहे. जॅकच्या कंपनीचे नाव ब्लॉक इंक आहे जिथे ते सीईओ म्हणून काम करत आहे.
जॅक डोर्सी यांनी स्वतः पुष्टी केली आहे की त्यांची कंपनी, पूर्वी स्क्वेअर म्हणून ओळखली जात होती, आता ओपन बिटकॉइन मायनिंग सिस्टीम तयार करण्याच्या योजनेवर काम करत आहे. री-ब्रँड झाल्यानंतर, कंपनी आता आपल्या पेमेंट बिझनेसच्या पलीकडे जाऊन ब्लॉकचेन टेक्नॉलॉजीवर काम करत आहे.
कंपनीची काय योजना आहे ?
जॅक डोर्सी यांनी नोव्हेंबर 2021 मध्ये ट्विटरच्या मुख्य कार्यकारी अधिकारी (सीईओ) पदाचा राजीनामा देण्याचा निर्णय घेतला. डोर्सी यांनी ट्विटद्वारे सांगितले की,” ते ऑफिशिअली ओपन बिटकॉइन मायनिंग सिस्टीम तयार करण्यावर काम करत आहेत.” कंपनीने पहिल्यांदा जाहीर केले की ते ऑक्टोबरमध्ये या योजनेचा विचार करत आहे.
ब्लॉक कंपनीचे महाव्यवस्थापक (हार्डवेअर) थॉमस टेम्पलटन यांनी या योजनेची माहिती दिली. त्यांनी स्पष्ट केले की, त्यांचे लक्ष्य बिटकॉइनला मार्केटकॅप नुसार सर्वात मोठे क्रिप्टोकरन्सी बनवणे आहे.
स्क्वेअर ही एक फायनशील सर्व्हिस कंपनी आहे जी सध्या पेमेंट बिझनेसमध्ये कार्यरत आहे. कंपनी ब्लॉकचेन टेक्नॉलॉजीमध्ये आपला व्यवसाय पुढे नेण्यासाठी काम करत आहे. ते क्रिप्टोकरन्सीची खरेदी, मायनिंग, मेन्टनन्स यासारखे काम सुलभ करण्यासाठी काम करत आहेत. ब्लॉकचेन टेक्नॉलॉजी हे उद्याचे भविष्य आहे असा कंपनीचा विश्वास आहे.