सातारा प्रतिनिधी | शुभम बोडकेे
सातारा जिल्ह्यात गुरूवारी रात्री 12 वाजता आलेल्या रिपोर्टमध्ये नवे कोरोना 864 पाॅझिटीव्ह आले आहेत. तर काल दिवसभरात 658 जण कोरोनामुक्त होवून घरी सोडण्यात आल्याची माहीती जिल्हा शल्यचिकित्सक डाॅ. सुभाष चव्हाण यांनी दिली. रात्री आलेल्या रिपोर्टमध्ये 10 हजार 167 चाचण्या तपासण्यात आल्यानंतर त्यामध्ये पाॅझिटीव्ह रेट 8.5 टक्के इतका आहे. जिल्ह्यात कराड कोरोनाचा हाॅटस्पाॅट बनलेला आहे.
जिल्ह्यात उपचार्थ असलेल्या कोरोनाबाधितांची 11 हजार 403 झाली आहे. जिल्ह्यात आजपर्यंत एकूण कोरोनाबधितांची संख्या 2 लाख 18 हजार 170 इतकी झाली आहे. तर जिल्ह्यात एकूण 2 लाख 3 हजार 952 बरे झालेली रुग्णसंख्या आहे. तर कालपर्यंत 5 हजार 240 बाधितांचा मृत्यू झाला आहे. मंगळवारी दिवसभरात 11 कोरोना बाधितांचा दुर्देवी मृत्यू झाला आहे.
कोरोनाचा कहर जिल्ह्यातील तीन तालुक्यात मोठ्या प्रमाणावर सुरू आहे. यामध्ये कराड तालुका हाॅटस्पाॅट बनलेला आहे. जिल्ह्यातील एकूण बाधितांच्या 30 टक्के कोरोना बाधितांचे प्रमाण हे कराड तालुक्यात असल्याचे दिसून येत आहे. त्यामुळे कराड तालुक्यातील कोरोनाचा पाॅझिटीव्ह रेट कमी करणे प्रशासनापुढील आव्हान आहे, मात्र त्यासाठी कोणतेच विशेष प्रयत्न करताना प्रशासन दिसून येत नाही.