मंदिरांच्या दानपेटीत टाकायचा वापरलेले कंडोम,पकडल्यावर आरोपीने केला ‘हा’ धक्कादायक खुलासा

बंगळुरू : वृत्तसंस्था – नुकतेच एक अजब प्रकरण समोर आले आहे. मंदिरांच्या दानपेटीत वापरलेले कंडोम टाकणाऱ्या एका व्यक्तीला कर्नाटक पोलिसांनी अटक केली आहे. या आरोपीचे नाव देवदास देसाई असे आहे. येशूचा संदेश देण्यासाठी आपण हे करत असून त्याचा आपल्याला कोणताही पश्चाताप नसल्याचा आरोपी देवदास याने पोलिसांनी केलेल्या चौकशीत सांगितले आहे. जवळपास वर्षभरापासून पोलीस त्याचा शोध घेत होते. आरोपी देसाई मंदिर परिसर आणि तिथे ठेवण्यात आलेल्या दानपेटीत वापरलेले कंडोम टाकून निघून जायचा.

प्रत्येक वेळी पोलिसांना देत होता चकवा
62 वर्षीय आरोपी देवदास देसाईने मंगळुरूच्या अनेक मंदिरांमध्ये हे कृत्य केले आहे. पोलीस बऱ्याच काळापासून त्याचा शोध घेत होते. पण प्रत्येक वेळी तो पळून जाण्यात यशस्वी होत होता. मागच्या वर्षी 27 डिसेंबर रोजी कोरजना कट्टे गावातील एका मंदिराच्या दानपेटीत वापरलेला कंडोम मिळाल्याने मोठ्या प्रमाणात चर्चा झाली होती. यानंतर पोलिसांनी त्याला अटक केली. पोलिसांना या घटनेची माहिती मिळताच पोलिसांनी मंदिर आणि परिसरात बसवलेले कॅमेरे तपासले. तेव्हा पोलिसांना सीसीटीव्ही कॅमेऱ्यात या व्यक्तीचा चेहरा स्पष्ट दिसला. त्या आधारे पोलिसांनी त्याला अटक केली. यानंतर पोलिसांनी केलेल्या चौकशीत देवदास देसाईने अशाप्रकारे अनेक मंदिरे अस्वच्छ केल्याचं मान्य केलं. एकूण 18 मंदिरांमध्ये त्याने हे कृत्य केल्याचे आरोपीने सांगितलं. मात्र यापैकी केवळ पाच मंदिरांनी पोलिसांकडे तक्रार केली होती.

पत्नी आणि मुलांना सोडून दिलं
आरोपी देवदास देसाईने त्याच्या पत्नी आणि मुलांना फार पूर्वीच सोडून दिलं आहे. तो ऑटो ड्रायव्हर म्हणून काम करायचा, पण म्हातारपणामुळे त्याने ड्रायव्हिंग सोडून प्लास्टिक पिकरचं काम करायला सुरुवात केली. आरोपीने सांगितले की, वडिलांच्या काळापासून हे कुटुंब ख्रिश्चन धर्माचे पालन करत आहे अशी माहिती मंगळुरूचे पोलीस आयुक्त एन शशीकुमार यांनी दिली आहे.

या कारणामुळे दानपेटीत टाकायचा कंडोम
पोलिसांनी केलेल्या चौकशीत आरोपीने सांगितले की, तो मंदिरांमध्ये वापरलेले कंडोम फेकत असे जेणेकरून त्यांची विटंबना करून तो लोकांना त्याच्या धर्माकडे वळवू शकेल. केवळ मंदिरातच नाही तर काही गुरुद्वारा आणि मशिदींमध्येही आरोपींनी हे कृत्य केले आहे. तसेच त्याला त्याच्या कृत्याबद्दल कोणताही पश्चाताप नाही. तो फक्त येशूचा संदेश पसरवत होता. कारण बायबलमध्ये येशूशिवाय दुसरा देव नाही असे म्हटले आहे. मी कंडोम फेकत असे कारण अशुद्ध वस्तू फक्त अशुद्ध ठिकाणीच टाकल्या पाहिजेत असे आरोपीचे म्हणणे आहे.