घरी किंवा लॉकरमध्ये ठेवलेल्या सोन्यातूनही तुम्हाला मिळेल मोठे उत्पन्न, आकर्षक व्याजदरासह टॅक्समध्येही मिळेल सूट

ताज्या मराठी बातम्यांसाठी आमचा ग्रुप जॉईन करा
WhatsApp Group Join Now
Google News Join Now

हॅलो महाराष्ट्र ऑनलाईन । सोन्या-चांदीसारख्या मौल्यवान वस्तू सहसा घरी न ठेवता बँकेच्या लॉकरमध्ये ठेवल्या जातात. लॉकरमध्ये ठेवलेले सोने-चांदी सुरक्षित राहते, परंतु आपल्याला त्यावर व्याज मिळत नाही. मात्र, त्यांचे मूल्य वाढल्यामुळे आपल्याला फायदा होतो. दुसरीकडे, लॉकर वापरण्यासाठी किंमत देखील द्यावी लागते. अशा परिस्थितीत तुम्ही आरबीआयने ठरवलेल्या बँकांमध्ये सोने ठेवून त्यावर त्यावर व्याजही मिळवू शकता.तसेच आपल्याला सोन्याचे मूल्य वाढण्याचा फायदा देखील मिळेल. ही सुविधा आरबीआय गोल्ड मोनेटायझेशन स्कीम (Gold Monetization Scheme) अंतर्गत उपलब्ध आहे.

ही सुविधा बँकेच्या फिक्स्ड डिपॉझिट (Fixed Deposit) सारखी आहे, ज्यामध्ये तुम्ही अतिरिक्त सोने जमा करता आणि तुम्हाला मॅच्युरिटीच्या वेळीही व्याज मिळते. तसेच आपल्याकडे सोन्याचे मूल्य मिळविण्याचा पर्याय देखील असेल, जो मॅच्युरिटीच्या वेळी असलेल्या सोन्याच्या बाजारभावावर अवलंबून असेल. यावर आपण ज्या दराने सोने डिपॉझिट केले असेल त्याच दराने आपल्याला व्याज मिळेल. आपले सोने सुरक्षित ठेवण्यासाठी जबाबदारी बँकेची असेल.

  1. कोणताही भारतीय आरबीआयच्या या योजनेंतर्गत गोल्ड एफडीमध्ये गुंतवणूक करू शकतो. गोल्ड एफडी देखील जॉईंट आधारावरही उघडल्या जाऊ शकतात.
  2. यासाठी सोन्याचे बार, कॉइन्सच्या रूपाने स्वीकारले जाते. जर आपण सोन्याचे दागिने जमा केले तर त्यात स्टोन किंवा इतर धातू असू नयेत.
  3. कोणताही गुंतवणूकदार किमान 30 ग्रॅम सोने डिपॉझिट करू शकतो. यासाठीची कमाल मर्यादा नाही.
  4. गुंतवणूकदारांना 1 वर्ष ते 15 वर्षे या कालावधीत कोणतीही मुदत निवडण्याचा पर्याय असेल. 1 ते 3 वर्षाच्या कालावधीला शॉर्ट टर्म बँक डिपॉझिट (STBD) म्हणतात. 5 ते 7 वर्षाच्या ठेवींना मीडियम टर्म गव्हर्नमेंट डिपॉझिट (MTGD) म्हणतात. 12 ते 15 वर्षांच्या ठेवींना लॉन्ग टर्म गव्हर्नमेंट डिपॉझिट (LTGD) म्हणतात.
  5. मीडियम व लॉन्ग टर्मच्या अंतर्गत ही रक्कम केंद्र सरकारच्या वतीने बँक डिपॉझिट करेल.

किती व्याज असेल?

> STBD मध्ये 1 वर्षासाठी 0.50 टक्के दराने व्याज दिले जाईल. 1 ते 2 वर्षांसाठी हे व्याज 0.55 टक्के आणि 2 ते 3 वर्षांसाठी हे वार्षिक 0.60 टक्के असेल.

> त्याच बरोबर मीडियम व लॉन्ग टर्मच्या गव्हर्नमेंट डिपॉझिटसाठी हा व्याज दर वार्षिक 2.25 टक्के राहील.

> STBD साठी मूळ आणि व्याज फक्त सोन्याच्या वस्तूवर असेल. सध्या MTGD आणि LTGD अंतर्गत मूळला रुपये मानले जाते, दरवर्षी 31 मार्च रोजी व्याज मोजले जाईल. मॅच्युरिटीवर क्युमुलेटिव्ह व्याजाचा पर्याय देखील असेल.

> ठेवीदाराकडे वार्षिक व्याज मिळण्यासाठी दोन पर्याय असतील. एक म्हणजे त्यांना वर्षाच्या अखेरीस व्याज मिळते किंवा अन्यथा मॅच्युरिटीच्या वेळी. दुसरे म्हणजे डिपॉझिटच्या वेळी, यापैकी एक व्याज निवडावे लागेल.

> यामध्ये ठेवीदारास अकाली पैसे काढण्याचा पर्यायही मिळेल. STBF अंतर्गत 1 वर्षाचा लॉक-इन पिरियड असतो. यानंतर, थोडासा दंड भरल्यानंतर पैसे काढले जाऊ शकतात.

> MTGD अंतर्गत 3 वर्षानंतर व्याजावर दंड भरल्यानंतर कधीही काढता येतो.

> LTGD अंतर्गत 5 वर्षानंतर दंड भरल्यानंतर कधीही पैसे काढले जाऊ शकतात.

कर सवलतीतही फायदा
आरबीआयच्या या योजनेतील सर्वात वैशिष्ट्य म्हणजे कॅपिटल गेन्स टॅक्स (Capital Gains Tax) भांडवली नफा कर, वेल्थ टॅक्स किंवा इनकम टॅक्समधून सूट देण्यात आली आहे. जर जमा केलेल्या सोन्याचे मूल्य वाढले तर त्यावर कोणताही कॅपिटल गेन्स टॅक्स लागणार नाही. तसेच त्याद्वारे मिळविलेल्या व्याजावर देखील हे लागू होणार नाही. मॅच्युर झाल्यावर ठेवीदारास त्याच प्रकारे सोने मिळेल ज्याप्रकारे त्याने डिपॉझिट केले होते. मात्र, दागिन्यांच्या बाबतीत ते वितळवले जाते आणि पीव्हीसीद्वारे त्याचे विश्लेषण केले जाते.

ब्रेकिंग बातम्या मोबाईलवर मिळवण्यासाठी आम्हाला 7875002893 या नंबरला WhatsApp करा आणि लिहा “Hello News”.

Leave a Comment