नवी दिल्ली । देशात पेट्रोल डिझेलचे दर सतत वाढतच आहेत. पेट्रोल डिझेल (Petrol-Desiel Price) च्या या वाढत्या किंमतींमुळे महागाई देखील वाढू लागली आहे, ज्याचा थेट परिणाम सर्वसामान्यांच्या खिशावर होतो आहे. अशा परिस्थितीत प्रत्येक व्यक्ती इंधनाच्या किंमतीत कपात होण्याच्या प्रतीक्षेत असते. परंतु बुधवारी पेट्रोलियम आणि नैसर्गिक वायू मंत्रालय (Ministry of Petroleum and Natural Gas) धर्मेंद्र प्रधान यांनी राज्यसभेत लेखी प्रश्नाला उत्तर देताना सांगितले की,” केंद्र सरकार पेट्रोल आणि डिझेलवरील कोणताही टॅक्स कमी करणार नाही.”
टॅक्स वाढविणे किंवा कमी करणे बाजारपेठेच्या स्थितीवर अवलंबून असते
पेट्रोलियम मंत्री धर्मेंद्र प्रधान म्हणाले की,”पेट्रोल आणि डिझेलवरील टॅक्स कमी करण्याचा सरकारकडे कोणताही प्रस्ताव नाही.” ते म्हणाले की,”पेट्रोल आणि डिझेलवरील टॅक्स वाढविणे किंवा कमी करणे सरकारच्या गरजा आणि बाजाराच्या परिस्थिती यासारख्या अनेक बाबींवर अवलंबून आहे.”
पेट्रोल 100 रुपये प्रतिलिटरपर्यंत पोहोचले
सतत वाढल्यामुळे पेट्रोल डिझेलचे दर सर्वोच्च स्तरावर पोहोचले आहेत. बुधवारी राजस्थानमधील गंगानगर शहरात पेट्रोलची किंमत भारतातील सर्वाधिक 98.10 रुपये प्रतिलिटर होती. त्याचबरोबर डिझेलची किंमत प्रति लिटर 89.73 रुपये आहे, जी संपूर्ण देशात सर्वाधिक आहे.
केंद्र सरकार इतका टॅक्स वसूल करते
गेल्या आठवड्यातच पेट्रोलियम मंत्री धर्मेंद्र प्रधान यांनी राज्यसभेत सांगितले होते की,” केंद्र सरकार पेट्रोलवर प्रतिलिटर 32.98 रुपये एक्साइज ड्यूटी आकारते तर डिझेलवर 31.83 रुपये एक्साइज ड्यूटी घेते.
राज्य सरकारद्वारे घेतला जाणारा टॅक्स
राज्य सरकार पेट्रोलवर व्हॅट म्हणून 19.55 रुपये आकारतात. त्याचबरोबर राज्य सरकार डिझेलवर व्हॅटवर 10.99 रुपये टॅक्स लावतात. याशिवाय पेट्रोलवरील डीलरचे कमिशन 2.6 रुपये प्रति लिटर आणि डिलरला दोन रुपये प्रतिलिटर असे आहे.
आंतरराष्ट्रीय बाजारात कच्च्या तेलाचे दर सतत वाढत आहेत, त्याचा थेट परिणाम हा किरकोळ इंधन विक्रीवरही होतो आहे. सोमवारी आंतरराष्ट्रीय बाजारात ब्रेंट क्रूड तेलाची (Crude Oil) किंमत प्रति बॅरल 60 डॉलरच्या पुढे गेली आहे. यामुळेच गेल्या तीन दिवसानंतर देशांतर्गत बाजारात पेट्रोल डिझेलची किंमत (Petrol Diesel Rate) महाग झाली आहे.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”