Ladaki Bahin Yojana| महाराष्ट्र शासनाने महिलांसाठी सुरू केलेली ‘मुख्यमंत्री माझी लाडकी बहीण’ योजना (Ladaki Bahin Yojana) सध्या १५०० रुपये दरमहा आर्थिक मदत दिली जात आहे. विधानसभा निवडणुकीपूर्वी (Assembly Election) महायुती सरकारने हा निधी २१०० रुपये करण्याचे आश्वासन दिले होते. मात्र विधानसभा निवडणुका होऊन दोन महिने झाले असले तरी, वाढीव रकमेबाबत कोणतीही अधिकृत घोषणा झालेली नाही. त्यामुळे 2100 रुपये कधी मिळणार हा प्रश्न वारंवार महिलांकडून विचारला जात आहे.
या पार्श्वभूमीवर महायुतीतील अनेक नेत्यांनी बजेट सादर झाल्यानंतर महिलांना २१०० रुपये मिळतील, असे संकेत दिले होते. परंतु, अद्याप कोणतेही ठोस पत्रक किंवा आदेश जारी करण्यात आलेला नाही. त्यामुळे महिला वाढीव हप्त्यासाठी प्रतीक्षेत आहेत. अशातच आता राज्याचे अर्थसंकल्प ३ मार्च रोजी सादर होणार असल्याचे म्हणले जात आहे. त्यामुळे ३ मार्चला होणाऱ्या अर्थसंकल्पात लाडकी बहीण योजनेबाबत सकारात्मक घोषणा होण्याची शक्यता आहे.
दरम्यान, लाडकी बहीण योजना (Ladaki Bahin Yojana) बंद होणार असल्याच्या चर्चा काही दिवसांपासून रंगू लागल्या होत्या. मात्र, मुख्यमंत्री देवेंद्र फडणवीस यांनी या चर्चांना पूर्णविराम दिला आहे. “लाडकी बहीण योजना बंद होणार नाही, उलट आम्ही महिलांना अधिक आर्थिक मदत देण्यासाठी प्रयत्नशील आहोत” असे त्यांनी स्पष्ट सांगितले आहे. त्यामुळे अनेक महिलांना मोठा दिलासा मिळाला आहे.
महत्वाचे म्हणजे, लाडकी बहिणी योजनेअंतर्गत (Ladaki Bahin Yojana) २१०० रुपये कधी मिळणार, हा प्रश्न अद्याप सुटलेला नाही. आता महिलांच्या आशा या अर्थसंकल्पात होणाऱ्या घोषणांकडे लागल्या आहेत. या अर्थसंकल्पामध्ये लाडकी बहिण योजनेच्या रकमेचा आकडा वाढवण्यात येईल अशी आशा व्यक्त केले जात आहे. यामुळे आता राज्यभरातील महिलांचे लक्ष ३ मार्च रोजी सादर होणाऱ्या अर्थसंकल्पाकडे लागले आहेत.
