नवी दिल्ली । देशातील सर्वात मोठ्या IPO ची प्रतीक्षा आता लवकरच संपणार आहे. LIC चा IPO 10 मार्च रोजी उघडू शकतो. 14 मार्चपर्यंत सब्सक्राइब करण्यासाठी वेळ असेल. मात्र, सरकारने अद्याप LIC चा IPO उघडण्याच्या तारखेची औपचारिक घोषणा केलेली नाही.
आतापर्यंत मिळालेल्या माहितीनुसार, कंपनीची इश्यू प्राईस 2000-2100 रुपये असू शकते. LIC च्या इश्यूचा साईज 65,000 कोटी रुपयांचा असू शकतो. सरकारने रविवारी 13 फेब्रुवारी रोजी LIC चा ड्राफ्ट पेपर सादर केला होता. सरकारने म्हटले आहे की, गुंतवणूकदारांसोबत रोड शो केल्यानंतर मूल्यांकनावर निर्णय घेतला जाईल आणि मार्च 2022 मध्ये त्याची लिस्टिंग पूर्ण केली जाईल.
या प्रकरणाशी संबंधित लोकांच्या मते, LIC च्या IPO मधील 3.16 कोटी शेअर्स त्याच्या 28.3 कोटी पॉलिसीधारकांसाठी राखीव असतील. यामध्ये पॉलिसीधारक आणि कंपनीच्या कर्मचाऱ्यांनाही सूट मिळणार आहे. पॉलिसीधारकांना इश्यू 10% स्वस्त मिळेल. LIC कडे सुमारे 13.5 लाख रजिस्टर्ड एजंट आहेत ज्यांच्या माध्यमातून कंपनी पॉलिसीधारकांना गुंतवणूकदार बनवण्याचा प्रयत्न करेल.
खाली LIC च्या IPO शी संबंधित काही महत्वाची माहिती दिली आहेत.
LIC चा इश्यू उघडेल: 10 मार्च
इश्यू बंद होईल: 14 मार्च
इश्यू प्राईस: प्रति शेअर 2,000 रुपये – 2,100 रुपये
इश्यू साइज: 31,62,49,885 शेअर्स
ऑफर फॉर सेल: 65,416.29 कोटी रुपयांचे 31,62,49,885 शेअर्स जारी केले जातील
डिस्काउंट: कर्मचारी आणि पॉलिसीधारकांना 10% सूट मिळेल
प्राइस बँडची घोषणा: मार्च 7
अँकर इनवेस्टर्स अलॉटमेंट: मार्च 9
शेअर लॉट: 7 शेअर्स
कर्मचारी: 1.58 कोटी शेअर्स राखीव आहेत, जे 10% सवलतीनंतर 1,890 रुपयांमध्ये उपलब्ध होतील
पॉलिसीधारक: 3.16 कोटी शेअर्स राखीव आहेत जे 10% सवलतीनंतर 1,890 रुपयांमध्ये उपलब्ध होतील
अँकर इनवेस्टर्स: 8.06 कोटी शेअर्स राखीव आहेत, ज्याचे मूल्य 16,935.18 कोटी रुपये आहे
क्वालीफाइड इंस्टीट्यूशनल बिडर्स: 5.37 कोटी शेअर्स राखीव आहेत, ज्याचे मूल्य 11,290.12 कोटी रुपये आहे
नॉन इंस्टीट्यूशनल इनवेस्टर्स: 4.03 कोटी शेअर्स राखीव आहेत, ज्याचे मूल्य 8,467.59 कोटी रुपये आहे
रिटेल इनवेस्टर्स: 19,757.71 कोटी रुपयांच्या रिझर्व्हसह 9.41 कोटी शेअर्स
लिस्टेड प्रतिस्पर्धी कंपन्या: एसबीआय लाइफ इन्शुरन्स कंपनी, एचडीएफसी लाइफ इन्शुरन्स कंपनी, आयसीआयसीआय प्रुडेंशियल लाइफ इन्शुरन्स कंपनी