हॅलो महाराष्ट्र ऑनलाईन | भविष्याचा आणि महागाईचा विचार करून आजकाल प्रत्येकजण काही ना काही रक्कम गुंतवणूक करून ठेवत असतात. अनेक लोकांना म्युच्युअल फंडमध्ये गुंतवणूक करायची असते. परंतु म्युच्युअल फंडमध्ये गुंतवणूक करण्यासाठी जास्त पैसे लागतात. त्यामुळे अनेकांना यामध्ये गुंतवणूक करता येत नाही. परंतु आता याबाबत चिंता करण्याची काही गरज नाही. कारण तुम्ही लवकरच एक स्वस्तात एसआयपी चालू करू शकता. आणि LIC लवकरच याबाबत एक नवीन योजना देखील आणणार आहे.
गेल्या काही वर्षांमध्ये म्युच्युअल फंडमध्ये गुंतवणूक करणाऱ्या नागरिकांची संख्या मोठ्या प्रमाणावर वाढलेली आहे. 2024 मध्ये म्युच्युअल फंडामध्ये जवळपास 23 हजार कोटींपेक्षा जास्त लोकांनी एसआयपीद्वारे गुंतवणूक केलेली आहे. त्यामुळे आजकाल लोकांना गुंतवणुकीचे महत्त्व देखील चांगलीच समजलेले आहे. परंतु कमी उत्पन्न असूनही अनेक लोकांना गुंतवणूक करता येत नाही. परंतु आता छोट्या गुंतवणूकदारांसाठी खूप चांगली बातमी आलेली आहे. ती म्हणजे आता एलआयसी म्युच्युअल फंड यांनी लहान रकमेची एसआयपी आणण्याची योजना केलेली आहे. ही कंपनी दररोज 100 रुपयांची एसआयपी सुरू करण्याचा प्लॅन करत आहे. तसेच फंड हाऊसमध्ये सध्याची मर्यादा 300 रुपये आहे. याबाबतची माहिती कंपनीचे एमडी आणि सीईओ यांनी दिलेली आहे.
LIC हे लहान एसआयपीचे समर्थन करत आहे. लहान रकमेची एसआयपी सुरू केल्यावर जास्तीत जास्त लोक यामध्ये गुंतवणूक करू शकतात. आणि त्याचा फायदा तळागळातील अगदी कमी उत्पन्न असणाऱ्या लोकांना देखील करता येईल. आणि भविष्यासाठी ते काही ना काही गुंतवणूक करू शकतात. एलआयसी म्युच्युअल फंडाचे सध्याचे किमान एसआयपी रकमेची मर्यादा ही दैनिक 100 रुपये आणि मासिक 200 रुपये करण्याची योजना करत आहे. शेअर बाजारातील तेजीचा फायदा हा समाजातील प्रत्येक घटकापर्यंत पोहोचला जावा. हाच या योजनेमागील खरा उद्देश आहे.
एसआयपी म्हणजे काय ?
एसआयपीचा फुल फॉर्म सिस्टिमॅटिक इन्व्हेस्टमेंट प्लॅन असा आहे. हा म्युच्युअल फंडामध्ये गुंतवणूक करण्याचा सगळ्यात सोपा मार्ग आहे. एसआयपी द्वारे गुंतवणूकदाराला दर महिन्याला एक ठराविक रक्कम गुंतवावी लागते. ती रक्कम तुमच्या बँक खात्यातून वजा होते. परंतु यातून तुम्हाला खूप चांगला नफा मिळतो.