हॅलो महाराष्ट्र ऑनलाईन । आजपासून देशात लाॅकडाउनचा तिसरा टप्पा सुरू झाला आहे. पहिल्या दोन टप्प्यात सोन्या-चांदीच्या किंमतींनी आकाशाला स्पर्श केलेला होता.देशात कोरोना विषाणूची लागण झालेल्या एकूण लोकांची संख्या ४२,५३३ आहे तर मृतांचा आकडा हा १,३७३ वर पोहोचला आहे.सरकारने सध्या सुरु असलेला हा लॉकडाऊन १७ मे पर्यंत वाढवला आहे. सोमवारी, मेच्या पहिल्या व्यापाराच्या दिवशी सराफा बाजारात सोन्याच्या दरामध्ये किंचितसी वाढ दिसून आली. सोमवारी दहा ग्रॅम सोन्याचा भाव हा ३५ रुपयांनी वाढून ४५७७० रुपये इतका झाला, तर चांदीच्या दरात प्रति किलो ११०० रुपयांची घसरण नोंदली गेली. देशातील १४ केंद्रांकडून सोन्या-चांदीची किंमत जाणून घेत इंडिया बुलियन अँड ज्वेलर्स असोसिएशन वेबसाइट (इबजाराट्स डॉट कॉम) त्यांची सरासरी किंमत अपडेट करते. इबजाराट्सच्या मते,४ मे २०२० रोजी सोन्या आणि चांदीचे दर खालीलप्रमाणे आहेत.
धातूची शुद्धता 4 मे पहाटे दर (रुपये / 10 ग्रॅम) 30 एप्रिल दर (रुपये / 10 ग्रॅम) दर बदल (रुपये / 10 ग्रॅम)
सोने 999 45770 45733 37
सोने 995 45587 45550 37
सोने 916 41925 41891 34
सोने 750 34328 34300 28
सोने 585 26776 26754 22
चांदी 999 41100 रुपये / किलो 42200 रुपये / किलो 1100 रुपये / कि.ग्रा
इंडिया बुलियन अँड ज्वेलर्स असोसिएशन दिल्लीचे मीडिया प्रभारी राजेश खोसला यांनी दिलेल्या माहितीनुसार, इब्जा देशभरातील १४ केंद्रांकडून सोन्या-चांदीची सरासरी किंमत दर्शविते. खोसला म्हणतात की सध्याचा सोने-चांदीचा दर किंवा स्पॉट किंमत ही वेगवेगळ्या ठिकाणी वेगवेगळी असू शकते, परंतु त्यांच्या किंमतींमध्ये फारच थोडास फरक असतो.एप्रिलमध्ये सोन्याचे भाव २२५९ तर चांदी ही २९५० रुपयांनी वाढली.
९९९ सोने काय आहे ?
हॉलमार्क केलेल्या दागिन्यांमध्ये हॉलमार्कचे गुण आणि काही अंक जसे की ९९९,९१६,८७५ आहेत.आपल्या सोन्याच्या शुद्धतेचे रहस्य या आकड्यांमध्ये लपलेले आहे.लक्षात ठेवा,९९९ क्रमांकासह सोन्याचे दागिने हॉलमार्कच्या चिन्हासह २४ कॅरेटचे आहेत.९९९ म्हणजे त्यातील सोन्याची शुद्धता ही ९९.९ टक्के आहे. त्याचप्रमाणे शुद्धतेच्या आधारे २३ कॅरेट सोन्याचे ९५८, तर २२ कॅरेट सोन्याचे ९१६, २१ कॅरेट ८७५, १८ कॅरेट ७५० गुण आहेत.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.