नवी दिल्ली : पंतप्रधान नरेंद्र मोदी यांच्या नेतृत्वाखालील केंद्रीय मंत्रिमंडळाचा आज फेरबदल व विस्तार झाला, यावेळी राष्ट्रपती रामनाथ कोविंद यांनी एकूण 43 मंत्र्यांना शपथ दिली. यात महाराष्ट्रातील एक कॅबिनेट आणि तीन राज्यमंत्री अशा एकूण चार मंत्र्यांचा समावेश आहे. नारायण राणे, भारती पवार, कपिल पाटील, भागवत कराड यांना मंत्रीपद देण्यात आले आहे.
यामध्ये भारती पवार यांना आरोग्य राज्यमंत्रीपदाची जबाबदारी देण्यात आली आहे. डॉ भारती पवार महाराष्ट्र च्या नाशिक जिल्ह्यातील दिंडोरी लोकसभा मतदार संघाचं प्रतिनिधीत्व करतात. दिंडोरी मतदारसंघ अनुसूचित जमातीसाठी आरक्षीत मतदारसंघ आहे. डॉ. भारती पवार पेशानं वकील आहेत. त्या एमबीबीएस डॉक्टर आहेत. त्यांनी राष्ट्रवादीतून 2019 मध्ये भाजपमध्ये प्रवेश केला होता. त्या 2019 ला आदिवासी बहूल दिंडोरी मतदार संघातून लोकसभा निवडणूक जिंकल्या आहे. आज पवार यांनी केंद्रीयमंत्रीपदाची शपथ घेतली.
राष्ट्रपती भवनाच्या दरबार हॉलमध्ये आयोजित शानदार समारंभात आज राष्ट्रीय लोकशाही आघाडीत सहभागी घटकपक्षांच्या सदस्यांनी केंद्रीय मंत्रिमंडळातील सदस्यपदाची शपथ घेतली. यामध्ये 15 कॅबिनेट मंत्री आणि 28 राज्यमंत्र्यांचा समावेश आहे.
यावेळी उपराष्ट्रपती एम. व्यंकैया नायडू, लोकसभा अध्यक्ष ओम बिरला, पंतप्रधान नरेंद्र मोदी, गृहमंत्री अमित शाह यांच्यासह केंद्रीयमंत्री व विविध क्षेत्रातील मान्यवर उपस्थित होते.