मुंबई । राज्यातील रुग्णालयांमध्ये कोरोना काळात रक्ताचा तुटवडा असून राज्यातील जनतेने स्वयंस्फूर्तीने पुढे येऊन रक्तदान करावे असे आवाहन मुख्यमंत्री उद्धव ठाकरे यांनी केले आहे. गंभीर बाब म्हणजे, राज्यात पाच ते सहा दिवस पुरेल एवढाच रक्तसाठा असल्याची माहिती आरोग्यमंत्री राजेश टोपे यांनी दिली आहे. यानंतर राज्यात जाणवणाऱ्या रक्त तुटवड्याच्या पार्श्वभूमीवर स्वत: राजेश टोपे आणि राष्ट्रवादीच्या नेत्या सुप्रिया सुळे यांनी आज यशवंतराव चव्हाण प्रतिष्ठान येथे रक्तदान केलं.
कोरोना विरोधाच्या लढाईत राज्यातील डॉक्टर्स, पोलीस, आरोग्य कर्मचारी आपले योगदान देत आहेत. या लढाईसाठी आवश्यक औषधे, सुविधांची कमतरता भासू नये यासाठी शासनस्तरावरुन सर्व उपाययोजना करण्यात आल्या आहेत. परंतू राज्यातील रक्तपेढ्यांमध्ये रक्ताचा साठा कमी असल्याने रुग्णांना अडचणींचा सामना करावा लागत आहे.सध्या महाराष्ट्रातील ३४४ रक्तपेढ्यांमध्ये १९ हजार ०५९ रक्ताच्या युनिट आणि प्लेटलेटच्या २ हजार ५८३ युनिट आणि मुंबईतील ५८ रक्तपेढ्यांमध्ये ३ हजार २३९ रक्ताच्या युनिट आणि ६११ प्लेटलेट युनिट उपलब्ध आहेत. केवळ ५ ते ७ दिवस पुरेल एवढाच हा साठा आहे.
ज्येष्ठ नेते खासदार शरद पवार साहेब यांच्या वाढदिवसानिमित्त १३ ते २० डिसेंबर दरम्यान स्वाभिमान सप्ताह साजरा केला जाणार असून त्यानिमित्त प्रत्येक तालुक्यात रक्तदान शिबिराचे आयोजन करण्यात येणार आहे. नागरिकांनी रक्तदान करून रूग्णांना नवजीवन देण्यासाठी सहकार्य करावे. pic.twitter.com/xtpqEtxRD2
— Rajesh Tope (@rajeshtope11) December 10, 2020
अशा परिस्थितीत रक्ताचा तुटवडा भासू नये यासाठी राज्यातील राजकीय, धार्मिक, सामाजिक संस्था व गृहनिर्माण सोसायटी यांनी कोरोनाविषयक काळजी घेऊन छोट्या-छोट्या रक्तदान शिबीरांचे आयोजन करावे. स्वैच्छिक रक्तदात्यांनी देखील नजीकच्या रक्तपेढीमध्ये जाऊन रक्तदान करावे. कोरोनाच्या पार्श्वभूमीवर रक्तपेढ्यांमार्फत आवश्यक त्या तपासणी चाचण्या व प्रतिबंधक उपाययोजना करुन रक्त संकलन करण्यात येणार आहे. कोरोनाच्या काळात रुग्णांना जीवनदान देण्याकरिता सर्वांनी पुढे येऊन दर तीन महिन्यांनी रक्तदान करावं, असं मुख्यमंत्र्यांनी म्हटलं आहे.
मोठी बातमी! उद्या दवाखाने बंद राहणार; 'या' कारणामुळं IMAने दिली देशव्यापी बंदची हाक
वाचा सविस्तर👉🏽 https://t.co/7YJmQMr8EO#HelloMaharashtra #hospital— Hello Maharashtra (@HelloMaharashtr) December 10, 2020
रावसाहेब दानवे हे जोड्याने मारायाच्या लायकीचे; रघुनाथ पाटलांची सडकून टीका
https://t.co/WUkj3KbQna#HelloMaharashtra @raosahebdanve @BJP4Maharashtra #raghunathpatil #FarmerBill2020— Hello Maharashtra (@HelloMaharashtr) December 10, 2020
महाविकास आघाडीनंतर आता UPAची सूत्र शरद पवारांच्या हाती? दिल्ली दरबारी हालचालींना वेग
वाचा सविस्तर-👉🏽 https://t.co/QTH9xYivIL@PawarSpeaks @NCPspeaks #HelloMaharashtra @BJP4Maharashtra @PMOIndia— Hello Maharashtra (@HelloMaharashtr) December 10, 2020
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला whatsapp करा आणि लिहा ‘Hello News’