हॅलो महाराष्ट्र ऑनलाईन | राज्यातील विधानसभा निवडणुका अगदी काही दिवसांवर आलेल्या आहेत. आणि यातच राज्य सरकारने राज्यातील सरकारी शाळांबाबत महत्त्वाचा निर्णय घेतलेला आहे. सध्या निवडणुकांचे काम असल्याने शाळांमध्ये शिक्षक निवडणुकीच्या कामात व्यस्त असणार आहे. त्यामुळे या दिवशी शाळा भरणार नाही. त्यामुळे शाळांना सुट्टी जाहीर केलेली आहे. त्यामुळे आता दिवाळीनंतर लगेचच विद्यार्थ्यांना एक मोठा वीकेंड मिळणार आहे.
विधानसभा निवडणुकीमुळे राज्यातील सरकारी शाळांना 18 ते 20 नोव्हेंबर पर्यंत सुट्टी जाहीर करण्यात आलेली आहे. त्याचप्रमाणे 15 नोव्हेंबर रोजी गुरुनानक जयंती असल्यामुळे या दिवशी सुट्टीच असणार आहे. त्याचप्रमाणे शहरातील अनेक शाळांना शनिवारी आणि रविवारी आठवड्याची दोन दिवस सुट्ट्या असतात. त्याचप्रमाणे सोमवार ते 18 तारखेपासून 20 तारखेपर्यंत सरकारने सुट्टी जाहीर केलेली आहे. त्यामुळे या दिवशी देखील सुट्टी असणार आहे. या सगळ्यांमध्ये ज्या विद्यार्थ्यांची शाळा शनिवारी असणार आहे, त्यांनाच फक्त शाळेत जावे लागणार आहे. अन्यथा इतर दिवशी सुट्टी असणार आहे.
20 नोव्हेंबरला राज्यात मतदान असल्याने राज्य सरकारने या दिवशी सुट्टी जाहीर केलेली आहे. परंतु आता एक मोठा वीकेंड आल्यामुळे पालक मुलांसोबत बाहेर सुट्टी एन्जॉय करण्यासाठी जाऊ शकतात. आणि याचा परिणाम मतदानावर देखील होऊ शकतो. मोठ्या प्रमाणात शाळेतील शिक्षक हे निवडणुकीच्या ड्युटीवर आहेत. अनेक विद्यार्थी जरी शाळेत आले तरी त्यांना शिकवू शकत नाही. या शिक्षकांना मतदान केंद्रे आधीच ठरवून दिलेली आहेत. शिक्षकांना निवडणुकीच्या काळामध्ये खूप जास्त काम असल्याने आता त्यांना शाळा भरवणे शक्य नसल्याने विद्यार्थ्यांना एक मोठा वीकेंड मिळालेला आहे.