पुणे । आज होणाऱ्या महाराष्ट्र बंदच्या निम्मिताने पुण्यातील अनेक शाळा, महाविद्यालये व इतर संस्था यांना एक दिवस सदर संस्था बंद ठेवण्याबाबत प्रशासनाने आदेश दिले आहेत. काहीही अनुचित प्रकार घडू नये यासाठी प्रशासनाने आधीच खबरदारी घेतली असून अनेक संस्थांना यासंन्दर्भात कायदा व सुव्यवस्था कायम राहावी यासाठी प्रयत्न करण्याचे आव्हान केले आहे.
मराठा क्रांती मोर्च्याने घेतलेल्या पवित्र्यामुळे हा बंद क्रांती दिनाच्या निम्मिताने पुकारण्यात आला आहे. अनेक दिवसांपासून मराठा समाजाच्या आरक्षणासाठी आंदोलन सुरू आहे. पुणे जिल्ह्यातील चाकण येथे झालेल्या आंदोलनाच्या पार्श्वभूमिवर जिल्हा प्रशासनाने आज योग्य ती खबरदारी घेतली असून कायदा व सुव्यवस्था सुरळीत राहील तसेच कुठेही अनुचित प्रकार घडणार नाही याची योग्य तयारी केली आहे.
