कराड | तांबवे येथील शहिद जवान युवराज पाटील प्रतिष्ठानकडून स्वातंत्र्य दिनाचे औचित्य साधून मिनी मॅरेथाॅन स्पर्धेचे आयोजन केलेले होते. ग्रामीण भागात राबविलेल्या या स्पर्धेस उत्स्फुर्त प्रतिसाद मिळाला. स्पर्धेतील विजेत्यांना मान्यवरांच्या हस्ते बक्षीस वाटप करण्यात आले.
या स्पर्धेवेळी माजी जिल्हा परिषद सदस्य व रयत कारखान्यांचे संचालक प्रदीप पाटील, सहाय्यक मोटार निरीक्षक शितल जाधव, हभप सुरेश पाटील, आर. टी. पाटील (सर), बलराज पाटील, उद्योजक सर्जेराव थोरात, पोलिस पाटील शशिकांत चव्हाण, चंद्रकांत जाधव, सागर यादव, प्रतिष्ठानचे अध्यक्ष श्रीमंत पाटील, अतुल पाटील, विक्रांत पाटील, सागर पाटील, संतोष पाटील, सुजय पाटील, महादेव पाटील, तेजस पाटील, विनोद जाधव, लक्ष्मण देसाई, योगेश जाधव, नितीन जाधव आदी उपस्थित होते.
मॅरेथाॅन तीन गटात पार पडलेल्या या स्पर्धेतील विजेते पुढीलप्रमाणे ः-10 वर्षाखालील विजेते – सत्यजीत प्रताप चव्हाण, स्वरा तानाजी माने, 15 वर्षाखालील विजेते – प्रथम क्रमांक – अथर्व शंकर ताटे, वेदीका प्रकाश सुतार, खुला गट – अविनाश देसाई अशी नावे आहेत. सतिश यादव यांनी सुत्रसंचालन केले. तर श्रीमंत पाटील यांनी आभार मानले.