हॅलो महाराष्ट्र ऑनलाईन। (Matka Water) उन्हातून घरी आलं की, सगळ्यात आधी आपण फ्रिज उघडतो आणि थंडगार पाणी घटाघट पितो. पण यामुळे घसा दुखणे, सर्दी होणे अशा समस्या जाणवू शकतात. याउलट मातीच्या माठातील नैसर्गिक रित्या थंड झालेले पाणी प्यायल्याने बरेच आरोग्यदायी फायदे मिळतात. त्यामुळे बरेच लोक उन्हाळ्याच्या दिवसात आवर्जून मातीचा माठ घेऊन येतात. एकतर माठातील पाणी नैसर्गिकरित्या थंड होते. त्यामुळे याचा तब्येतीवर कोणताही दुष्परिणाम होत नाही. शिवाय या पाण्यामुळे लगेच तहान भागते आणि मुख्य म्हणजे हे पाणी शरीरातील खराब कोलेस्ट्रॉल काढून टाकते. चला तर माठातील पाणी पिण्याचे इतर फायदे जाणून घेऊया.
1. नैसर्गिक थंडावा
मातीच्या माठात साठवलेले पाणी नैसर्गिकरित्या थंड होते. (Matka Water) कारण, या मातीच्या भांड्यात पृष्ठभागावर लहान छिद्रे असतात आणि या छिद्रांमधून पाण्याचे बाष्पीभवन होते. या प्रक्रियेमुळे भांडे आतील पाण्याची उष्णता नष्ट करून पाण्याचे तापमान कमी करते.
2. पिण्यास सुरक्षित (Matka Water)
मातीचा माठ सेंद्रिय पद्धतीने पाणी शुद्ध आणि थंड करतो. यात पाण्याच्या सच्छिद्र मायक्रोटेक्चरमुळे हे पाणी पिण्यास अत्यंत सुरक्षित मानले जाते. कारण मातीचे भांडे प्रदूषकांना अडवटे आणि पाण्याचे निर्जंतुकीकरण करते. मुख्य म्हणजे या पाण्याचे तापमान आदर्श असल्याने असे पाणी प्यायल्यास घसा खवखवणे, दुखणे, सुजणे अशा समस्या होत नाहीत.
3. शारीरिक ऊर्जा
माठातील पाणी प्यायल्याने शारीरिक ऊर्जा मिळते. कारण, मातीची भांडी बनवताना वापरण्यात येणारी चिकणमाती खनिजे आणि विद्युत चुंबकीय उर्जेने परिपूर्ण असते. त्यामुळे यात साठवलेले पाणी शरीराला ऊर्जा देतात आणि रोग प्रतिकारक शक्ती देखील वाढतात. (Matka Water)
4. पोटाच्या समस्या होत नाहीत
मातीच्या भांड्यात साठवलेले पाणी हे रसायनरहित असते. असे प्यायल्याने चयापचय वाढते. शिवाय या पाण्यात असणारी खनिजे पचनक्रिया सुधारण्यास मदत करतात. त्यामुळे पोटाशी संबंधित समस्या होत नाहीत.
5. सनस्ट्रोक प्रतिबंधित करते
कडक उन्हाळ्यात सनस्ट्रोक ही एक सामान्य समस्या समजली जाते. (Matka Water) या समस्येपासून आपल्या रक्षण करायचे असेल तर मातीच्या माठातील पाणी पिणे फायदेशीर ठरते. कारण यामध्ये भरपूर खनिजे आणि पोषक घटक असतात. जे शरीर हायड्रेटेड ठेवून डिहायड्रेशन आणि सनस्ट्रोक सारख्या समस्या लांब ठेवते.