हॅलो महाराष्ट्र ऑनलाईन । कोरोना विषाणूच्या संसर्गामुळे, देशभरातील लोक त्यांच्या घरातच कैद झाले आहेत. लोक सोशल डिस्टसिंगमुळे एकमेकांपासून अंतर ठेवत आहेत. त्याच वेळी, लोक स्वतःच्या आरोग्याकडेही खूप लक्ष देत आहेत.कोरोनापासून सुरक्षित राहण्यासाठी रोगप्रतिकारक शक्ती बळकट ठेवणे फार महत्वाचे आहे कारण ज्यांची रोग प्रतिकारशक्ती कमकुवत आहे, त्यांनाच आजारी पडण्याची आणि कोरोनाची लागण होण्याची शक्यता अधिक असते.
त्यामुळेच रोग प्रतिकारशक्ती वाढविण्यासाठी बरेच लोक हिरव्या भाज्या आणि व्हिटॅमिन सी समृध्द फळांचे सेवन करतात. परंतु आपल्याला हे माहित आहे काय की शरीरातील रोगप्रतिकार शक्ती वाढविण्यासाठी पुदीनादेखील खूप फायदेशीर आहे. इतकेच नाही तर पुदीना शरीरासाठी तसेच त्वचेसाठी आणि केसांसाठीही खूप महत्त्वाचा आहे. आपली प्रतिकारशक्ती वाढविण्यासाठी आणि त्वचेची काळजी घेण्यासाठी पुदीन्याचा वापर कसा कराव हे आम्ही तुम्हांला सांगतो.
पुदीन्याची पाने रोग प्रतिकारशक्ती वाढविण्यात मदत करतात
पुदीना शरीराची प्रतिकारशक्ती वाढविण्यासाठी खूप चांगले आहे. पुदीन्यामध्ये अँटीऑक्सिडंट्स भरपूर प्रमाणात असतात आणि त्यात मेंन्थॉलही भरपूर असते, जे शरीरासाठी सर्वात महत्वाचे आहे. जर पुदीन्याची पाने तोडण्याऐवजी कात्रीने कापली गेली तर त्याचा कलम तयार होण्यासाठी आणि नवीन पाने येण्यास जास्त वेळ लागत नाही. अशा प्रकारे आपण त्यांची घरी देखील सहजपणे वाढ करू शकता. काचेच्या बाटली पाण्याने भरा आणि त्यामध्ये पुदीन्याची पाने घाला आणि झाकण बंद करा. याला फर्मेंटेड वॉटर किंवा इन्फ्यूस्ड वॉटर देखील म्हटले जाऊ शकते. हे खूप प्रभावी आहे. पुदीन्यामध्ये आढळणारा मेन्थॉल शरीरातील अनावश्यक चरबी आणि विष काढून टाकण्यास उपयुक्त आहे.
वजन कमी करा आणि मुरुमांच्या समस्येपासून मुक्त व्हा
पुदीन्याचा चहादेखील बनविला जाऊ शकतो.यासाठी पुदीन्याची ३ ते ४ पाने बारीक करून पाण्यात उकळा. आपल्याला हवे असल्यास, आपण त्यामध्ये मधही घालू शकता.पुदीन्याचा चहा वजन कमी करण्यात देखील उपयुक्त आहे. याशिवाय हा चहा त्वचेवरील मुरुम आणि डागांपासून मुक्त होण्यासही मदत करतो. त्याच वेळी, त्वचेचा दाह देखील पुदीन्याच्या पॅकपासून आराम मिळतो.
केसांची निगा राखण्यासाठी देखील प्रभावी
जर आपण डोक्यातील कोंडा आणि डोकेदुखीमुळे त्रस्त असाल तर,पुदीन्याचा एक पॅक तुम्हांला आराम मिळवून देईल.जर मुलांच्या डोक्यात उवा झाल्या असतील किंवा टाळू मध्ये बॅक्टेरियामुळे संक्रमण झाले असेल तर पुदीन्याचा पॅक त्यांच्यापासून मुक्त होण्यास मदत करेल.पुदीन्याचा पॅक लावल्यानंतर केस धुवा.त्याने चांगलाच आराम मिळेल.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.