संजय राऊतांना स्वत: मुख्यमंत्री बनायचं होतं, युती तोडण्याचे काम त्यांनीच केलं; भाजप नेत्याची टीका

हॅलो महाराष्ट्र ऑनलाइन | गेल्या काही दिवसांपासून भाजप आणि शिवसेना यांच्यातील वैर वाढतच चालल आहे. त्यातच आता शिवसेना खासदार संजय राऊत याना स्वतःला च मुख्यमंत्री व्हायचं होत असा दावा भाजप नेते मोहित कंभोज यांनी केला आहे. मोहित कंभोज यांनी ट्विट करत संजय राऊत यांच्यावर निशाणा साधला.

अडीच-अडीच वर्षांच्या मुख्यमंत्रिपदाची खोटी कथा संजय राऊत यांनीच रचली होती. संजय राऊत यांना स्वत:ला मुख्यमंत्री बनायचं होतं. २०१९ च्या विधानसभा निवडणुकीनंतर महायुती तोडण्याचं काम संजय राऊत यांनीच केलं. तसेच भाजपा आणि शिवसेनेमधील दुरावा कायम राहावा यासाठी दररोज सकाळी 9 वाजता येऊन बोलणे हे संजय राऊत यांचं राजकारण आहे असे मोहित कंभोज यांनी म्हंटल.

यावेळी वाधवान प्रकरणावरूनही त्यांनी संजय राऊतांवर निशाणा साधला. राऊत साहेब वाधवान यांना कोविड काळात कुणी पास दिला? त्यांच्यासाठी कुठल्या बंगल्यावरून फोन गेला होता. गेल्या एक वर्षापासून वाधवान कुठल्या हॉस्पिटलमध्ये आहे. कोण कोण नेते त्यांना भेटायला गेले होते. जेलमधील कैद्याला पंचतारांकित सुविधा मिळत आहेत. या सरकारमध्ये कोण मदत करत आहे. हॉस्पिटलला अय्याशीचा अड्डा कुणी बनवला आहे, असा सवालही मोहित कंबोज यांनी उपस्थित केला.