हॅलो महाराष्ट्र ऑनलाईन । देशातील आघाडीची टेलिकॉम कंपनी Motorola ने भारतीय बाजारात G सिरीज अंतर्गत आपला नवा स्मार्टफोन लाँच केला आहे. Moto G85 5G असं या स्मार्टफोनचे नाव असून हा मोबाईल २ व्हेरिएन्टमध्ये सादर करण्यात आलाय. 12GB RAM, 50MP कॅमेरासह अनेक भन्नाट फीचर्स तुम्हाला या मोबाईल मध्ये पाहायला मिळतील. चला तर मग मोटोच्या या नव्या स्मार्टफोनमध्ये नेमके काय फीचर्स आहेत? त्याची स्पेसिफिकेशन काय आणि किती रुपयात तुम्ही तो खरेदी करू शकता याबाबत आज आपण सविस्तर माहिती जाणून घेऊयात….
6.67 इंचाचा डिस्प्ले –
Moto G85 5G मोबाईल मध्ये 120 Hz रीफ्रेश रेटसह 6.67 इंचाचा फुल-HD+ 3D कर्व्ह डिस्प्ले देण्यात आलाय. या डिस्प्लेला 1600 nits पीक ब्राइटनेस आणि 240 Hz टच सॅम्पलिंग रेटचा सपोर्ट असून कॉर्निंग गोरिल्ला ग्लास 5 चे संरक्षण मिळतेय. कंपनीने या नव्या स्मार्टफोन मध्ये Snapdragon 6s Gen 3 प्रोसेसर बसवला असून मोटो हा मोबाईल 8GB RAM + 128GB स्टोरेज आणि 12GB RAM + 256GB स्टोरेज व्हेरिएंटमध्ये लाँच करण्यात आला आहे.
कॅमेरा – Moto G85 5G
Moto G85 5G मध्ये पाठीमागील बाजूला ड्युअल कॅमेरा सेटअप देण्यात आलाय ज्यामध्ये 50MP चा मुख्य कॅमेरा आणि 8MP चा अल्ट्रा वाईड अँगलचा समावेश आहे. तर सेल्फी आणि व्हिडिओ कॉल साठी समोरील बाजूला 32MP चा फ्रंट कॅमेरा बसवण्यात आलाय. मोबाईल मध्ये पॉवर साठी 5000mAh बॅटरी देण्यात आली असून ही बॅटरी 33W टर्बोचार्जिंगला सपोर्ट करते.
किंमत किती?
Moto G85 5G च्या 8GB RAM + 128GB स्टोरेजची किंमत 17,999 रुपये आहे. तर 12GB RAM + 256GB स्टोरेजची किंमत 19,999 रुपये आहे. मोटोचा हा मोबाईल निळ्या, हिरव्या आणि ग्रे रंगात उपलब्ध असून 16 जुलै रोजी दुपारी 12 वाजता पहिली विक्री सुरु होईल. प्रसिद्ध इ कॉमर्स प्लॅटफॉर्म फ्लिपकार्ट वरून तुम्ही हा स्मार्टफोन खरेदी करू शकता.
, Moto G85 5G 17,999 रुपयांच्या सुरुवातीच्या किंमतीत लॉन्च करण्यात आला आहे.