हॅलो महाराष्ट्र ऑनलाइन | आक्रमक यष्टिरक्षक फलंदाज ईशान किशन मुंबई इंडियन्स ने आपल्या संघात कायम ठेवले. किशन ला तब्बल 15.25 कोटींची बोली लागली. तरीही मुंबईने अखेरपर्यंत माघार न घेत त्याला आपल्याच ताफ्यात घेतलं. आयपीएलच्या इतिहासात पहिल्यांदाच मुंबईने एका खेळाडूवर 10 कोटींहून अधिक बोली लावली आहे.
ईशान किशन साठी मुंबई इंडियन्स आणि सनरायझर्स हैदराबाद मध्ये जोरदार चुरस लागली होती. 15 कोटींपर्यंत त्याची किंमत गेल्यानंतरही दोन्ही संघ माघार घेत नव्हते. अखेर या लढाईत मुंबई इंडिअन्स ने बाजी मारत १५.२५ कोटींच्या बोलीसह ईशान किशन ला आपल्या संघात ठेवले. ईशान किशन आक्रमक डावखुरा सलामीवीर आहे. फलंदाजी सोबतच तो यष्टीरक्षकाची भूमिका योग्य प्रकारे पार पडतो
2018 मध्ये ईशान किशनला 6.40 कोटींची बोली लागली होती. ईशानने मुंबईसाठी अनेक अविस्मरणीय खेळ्या खेळून आपली योग्यता सिद्ध केली आहे. 2020 मध्ये, ईशानने आयपीएलमध्ये 30 षटकार मारले होते, जे त्या हंगामात एका फलंदाजाने मारलेले सर्वाधिक षटकार होते. यावेळी ईशानचा समावेश आयपीएलमधील सर्वाधिक महागड्या खेळाडूंमध्ये होऊ शकतो.