हॅलो महाराष्ट्र ऑनलाईन । मस्साज्जोगचे सरपंच संतोष देशमुख यांना चुकीच्या गुन्ह्यात अडकवण्यासाठी उभी केलेल्या महिलेची हत्या झाल्याचा खळबळजनक दावा सामाजिक कार्यकर्त्या अंजली दमानिया यांनी केला आहे. मनिषा उघाडे असं त्या महिलेचं नाव असून संतोष देशमुखांनी अनैतिक अत्याचार केल्याचा आरोप करण्यासाठी या महिलेला कराड गँगकडून तयार करण्यात आलं होतं असं अंजली दमानिया यांनी म्हंटल आहे. या महिलेची आठ दिवसांपूर्वी हत्या करण्यात आली आहे असा आरोप दमानिया यांनी केला आहे. त्यामुळे बीड मध्ये पुन्हा एकदा खळबळ उडाली आहे. अंजली दमानिया यांनी याबाबत सोशल मीडियावर पोस्ट केली आहे.
अंजली दमानिया (Anjali Damania) यांनी म्हंटल, गुढ संपता संपत नाही आणि हत्या संपता संपत नाहीत. संतोष देशमुख हत्या प्रकरणात चौकशी झालेल्या महिलेची कळंब शहरात हत्या? संतोष देशमुखावर अनैतीक आरोप करण्यासाठी तयार आसलेली कळंब शहरातील द्वारका नगर मधे राहत आसलेल्या महिलेची हत्या झाल्याचे कळतय. या महिलेची ७ ते ८ दिवसापुर्वी हत्या झाल्याची धक्कादायक घटना घडली आहे. या घटनेने शहरात खळबळ उडाली असून, वेगवेगळे तर्क-वितर्क लावले जात आहेत. कुठल्या कारणाने हत्या झाली अन बीड पोलीसांना ही बातमी कळाली अन ते घटना स्थळी पोहचल्यावर नंतरच तेथील रहिवासी व स्थानिक पोलीसाना कळाली व अजून याबाबत अधिकृत माहिती समोर आली नसून संतोष देशमुख हत्या प्रकरणातील काही धागेदोरे हाती लागू नये म्हणून ही हत्या झाली की अनैतीक संबधातून हत्या झाली अशी चर्चा सध्या सुरू आहे.
गुड संपता संपत नाही आणि हत्या संपता संपत नाहीत.
— Mrs Anjali Damania (@anjali_damania) March 31, 2025
संतोष देशमुख हत्या प्रकरणात चौकशी झालेल्या महिलेची कळंब शहरात हत्या ?
संतोष देशमुखावर अनैतीक आरोप करण्यासाठी तयार आसलेली कळंब शहरातील द्वारका नगर मधे राहत आसलेल्या महिलेची हत्या झाल्याचे कळतय.
या महिलेची ७ ते ८ दिवसापुर्वी…
या प्रकरणाचा सखोल तपास पोलीस करीत आहेत. असं असलं तरी शहर आणि परिसरात या घटनेने दहशत पसरली आहे. शहरातील द्वारका नगरीत राहणाऱ्या लोकांना २ दिवसांपासून उग्र वास येत होता. पण ज्या घरातून वास येत होता त्या घराला बाहेरून कुलूप लावलेले होते. दरवाजा तोडून बीड पोलीस व स्थानिक पोलीसानी आत प्रवेश केल्यानंतर संबंधित महिलेचा सडलेल्या अवस्थेत मृतदेह पोलिसांना आढळला. व मृतदेह सडलेला आसल्यामुळे जागेवरच मृतदेहाचे पोस्टमॉर्टेम केलं व अंत्यविधी ही उरकला या प्रकरणाचा अधिक तपास पोलीस करत आहेत. ही महिला अनेक पुरुषांना अडकवण्याचे काम करायची आणि त्यासाठी ती खाली दिलेल्या नावांचा वापर करायची
१)मनीषा आकुसकर आडस
२)मनीषा बिडवे कळंब
३)मनीषा मनोज बियाणी कळंब
४)मनीषा राम उपाडे अंबाजोगाई
५)मनीषा संजय गोंदवले रत्नागिरी
असं ट्विट अंजली दमानिया यांनी केलं आहे. त्यामुळे मोठी खळबळ उडाली आहे…. सदर महिलेची हत्या कोणी केली? याचा तपास आता करावा लागेल.
