हॅलो महाराष्ट्र ऑनलाईन । गेल्या काही दिवसांपासून महाराष्ट्रात सातत्याने अत्याचाराच्या (Rape Cases In Maharashtra) आणि बलात्काराच्या घटना समोर येत आहेत. बदलापूर येथील ४ आणि ६ वर्षाच्या २ चिमुकलींवर अत्याचार केल्याची घटना अजूनही ताजी असतानाच आता असाच काहीसा प्रकार नागपूर मध्येही (Nagpur Crime) घडला आहे. नागपूरच्या कामठी भागात आठ वर्षांच्या चिमुकलीवर तिच्या शेजारच्यानंच अत्याचार केल्याची धक्कादायक घटना समोर आली आहे. याप्रकरणी पोलिसांनी आरोपीला बेड्या ठोकल्या आहेत. मात्र या घटनेनं शहरात खळबळ उडाली आहे.
याबाबत अधिक माहिती अशी कि, नागपूरमध्ये कामठी शहरात एका ५० वर्षीय व्यक्तीने पीडित मुलीला खाण्याचे आमिष दाखवले. घरात कोणीही नसल्याची संधी साधून त्याने या आठ वर्षाच्या मुलीवर लैंगिक अत्याचार केला. चल तुला चॉकलेट देतो, असं सांगत आरोपीनं सदर पीडित मुलीला आपल्या घरी नेलं आणि तिथेच तिचा गैरफायदा घेतला आणि तिच्यावर अत्याचार केलं. आरोपी एवढ्यावरच थांबला नाही तर चाकूचा धाक दाखवून पीडित मुलीला जीवे मारण्याची धमकी दिली त्यानंतर पीडित मुलीन घडलेला प्रकार आईला सांगितला.
आईने तात्काळ पोलीस स्टेशन गाठत आरोपीविरोधात गुन्हा नोंदवला. त्यानंतर तातडीनं आरोपीला गाठलं आणि त्याच्या मुसक्या आवळल्या. आदेश वासनिक असं सदर नराधमाचे नाव असून पोलिसांनी त्याला बेड्या ठोकल्या आहेत. पीडित मुलगी अल्पवयीन असल्यामुळे पोलिसांनी याप्रकरणी पॉस्को अंतर्गत गुन्हा दाखल केला. आरोपी पोलीस कोठडीत असून त्याचा कठोर शिक्षा देण्यासाठी पोलीस या संपूर्ण प्रकरणाचा सखोल तपास करत आहेत.
दरम्यान, मागील काही दिवसांपासून महाराष्ट्रात अत्याचार, बलात्कार आणि खुनाच्या घटना वाढतच चालल्या आहेत. बेलापूर येथील अक्षता म्हात्रे, उरण येथील यशश्री शिंदे, तसेच बदलापूर येथील २ चिमुकल्या अत्याचाराला बळी पडल्या आहेत. दिवसेंदिसव वेगवेगळ्या घटना समोर येत आहेत. छत्रपती शिवाजी महाराज, शाहू, फुले आणि आंबेडकरांचा हा महाराष्ट्र नेमक्या कोणत्या दिशेला चाललाय असा प्रश्न यानिमित्ताने निर्माण झाला आहे. तसेच या सर्व गोष्टींवर आला घालण्यासाठी सरकार कोणती पाऊले उचलणार आहे कि नाही असा सवाल सर्वसामान्य नागरिक विचारात आहे.