हॅलो महाराष्ट्र ऑनलाईन । जेव्हा कधी आपण आकाशात बघतो तेव्हा ढगांमध्ये आपल्या काही काल्पनिक चित्रे दिसतात. पण सूर्याला कधी हसताना तुम्ही बघितलं आहे का? नसेल बघितलं तर लगेच पाहून घ्या… सूर्याला सुद्धा हसताना बघताना पाहून तुम्हीही थक्क व्हाल. अमेरिकन अंतराळ संस्था नासानेच अशाप्रकारचा एक फोटो शेअर केला आहे.
नासाच्या एका उपग्रहाने नुकताच सूर्याचा ‘हसणारा’ फोटो क्लिक केला आहे. हा फोटो शेअर करत नासाने लिहिले की, ‘आज नासाच्या सोलर डायनामिक्स ऑब्झर्व्हेटरीने ‘हसणारा’ सूर्य पाहिला. अतिनील प्रकाशात दिसणार्‍या सूर्यावरील या गडद डागांना ‘कोरोनल होल’ असे म्हणतात. हे असे क्षेत्र आहेत जिथे खूप जोरदार सौर वारा असतो.
Say cheese! 📸
Today, NASA’s Solar Dynamics Observatory caught the Sun "smiling." Seen in ultraviolet light, these dark patches on the Sun are known as coronal holes and are regions where fast solar wind gushes out into space. pic.twitter.com/hVRXaN7Z31
— NASA Sun & Space (@NASASun) October 26, 2022
सूर्याचा हा फोटो संपूर्ण जगात वाऱ्यासारखा पसरला. हा फोटो पाहून नेटकरीच नव्हे तर शास्त्रज्ञ सुद्धा अवाक झाले . इंटरनेटवरील काही यूजर्सनी तर या सूर्याच्या फोटोची तुलना कार्टून शोमध्ये दिसलेल्या सूर्याशी केली. दरम्यान, सोलर डायनॅमिक्स ऑब्जर्वेटरी हे नासाचे एक मिशन आहे. या मिशन अंतर्गत सूर्याबाबतच्या रहस्यांवर संशोधन सुरु आहे. नासाकडून हे मिशन 11 फेब्रुवारी 2010 रोजी लाँच करण्यात आलं आहे.