बारामती | सातारा जिल्ह्यातील राष्ट्रवादीच्या आमदारांनी राष्ट्रवादी काँग्रेसचे अध्यक्ष शरद पवार यांची गोविंदबाग या त्यांच्या बारामती येथील निवासस्थानी भेट घेतली. जिल्ह्यातील राजकिय वातावरण तापले असून येत्या लोकसभेचं तिकिट कोणाला भेटणार याबाबत उलटसुलट चर्चांना उधान आले आहे. यापार्श्वभुमीवर जिल्ह्यातील आमदारांची पवार भेट चर्चेचा विषय ठरली आहे. उदयनराजेंचं काय करायचं? असा प्रश्न या आमदारांनी पवारांना विचारला असल्याचं राजकिय वर्तुळात बोललं जात आहे.
विशेष म्हणजे, गेल्या शनिवारी पक्षाचे खासदार उदयनराजे यांनी साताऱ्यात शरद पवार यांची भेट घेतली होती. त्या भेटीनंतर फसवाफसवी करू नका, नाहीतर आम्हालाही कळतं, असं त्यांनी विधान केलं होतं. तर शरद पवार यांनी उदयनराजे यांचाबाबत बोलण्याचे टाळले होते.
या बैठकीत विधानपरिषदेचे सभापती रामराजे नाईक निंबाळकर, आमदार शशिकांत शिंदे, मकरंद पाटील, शिवेंद्र राजे भोसले, विक्रमसिंह पाटणकर, बाळासाहेब पाटील हे उपस्थित होते.