हॅलो महाराष्ट्र ऑनलाईन। (New Horror Show) छोट्या पडद्यावरील मालिका या प्रेक्षकांच्या दैनंदिन आयुष्याचा महत्वाचा भाग आहेत. रोजच्या आयुष्यात हलकं फुलकं मनोरंजन म्हणून अनेक लोक आवर्जून विविध मालिका पाहतात. त्यांपैकी बऱ्याच मालिका अत्यंत लोकप्रिय ठरतात. प्रत्येक प्रेक्षकांची आवड ही वेगवेगळी असते. त्यामुळे विविध जॉनरच्या मालिका कायम येत असतात. यामध्ये हॉरर अर्थात भयानक कंटेन्ट असलेल्या मालिकांना देखील चांगला प्रेक्षक मिळतो. जर तुम्हालाही हॉरर मालिका पाहण्यात रस असेल तर तुमच्यासाठी आनंदाची बातमी आहे. कारण लवकरच झी वर हॉरर मालिका येतेय/ जिचा प्रोमो अलीकडेच रिलीज झाला असून व्हायरल होतो आहे.
नवी Horror मालिका (New Horror Show)
नुकतीच ‘झी युवा’ने एका भयावह मालिकेची घोषणा केली आहे. त्यामुळे आता ‘भीतीची छाया सगळीकडे पसरणार आणि तुमची रात्रीची झोप उडणार’. अशा थरकाप उडवणाऱ्या कथांनी अंगावर भीतीचा काटा उभा करणाऱ्या कंटेन्ट सोबत ही नवी मालिका ‘झी युवा’वर सुरू होणार आहे. याचा प्रोमो अलीकडेच ‘झी युवा’च्या सोशल मीडियावर शेअर करण्यात आला आहे. या प्रोमोमध्ये अनेक भयावह दृश्य दिसत आहेत. जी पाहून प्रेक्षकांच्या लक्षात येईल की ही मालिका इतर मालिकांपेक्षा नक्कीच वेगळी आहे. या मालिकेचे नाव झी हॉरर शो ‘जशी आहे तशी’ असे आहे.
काय आहे प्रोमो मध्ये?
झी युवावर सुरु होणाऱ्या हॉरर शो ‘जशी आहे तशी’मध्ये अनेक भयावह कथा पहायला मिळणार असल्याचे या प्रोमोमध्ये सांगण्यात आले आहे. या प्रोमोमध्ये काही भयावह दृश्य दाखवण्यात आली आहेत. (New Horror Show)जी अंगावर काटा उभा करत आहेत.
जर प्रोमो इतका भयानक असू शकतो तर मालिका किती भयानक असू शकते याचा अंदाज येतो आहे. खास बाब अशी की, मालिकेच्या प्रोमोमध्ये ही मालिका हिंदीमध्ये असेल असे सांगण्यात आले आहे. त्यामुळे हा एक वेगळा प्रयोग ठरणार आहे.
कधी सुरु होणार?
भय आणि थरकापाने अंगावर काटा उभा करणारी ही नवी मालिका लाडकी वाहिनी ‘झी युवा’वर सुरु होते आहे. येत्या २७ मे २०२४ पासून रात्री १० वाजता ही मालिका प्रसारित होणार आहे. (New Horror Show) या मालिकेचा प्रोमो पाहून प्रेक्षकांमध्ये उत्सुकतेचे वातावरण निर्माण झाले आहे. आतापर्यंत प्रेक्षकांनी अनेक हॉरर मालिकांना चांगला प्रतिसाद दिला आहे. त्यामुळे ही मालिका देखील प्रेक्षकांचे मन जिंकेल अशी आशा आहे. या मालिकेचा प्रोमो सध्या सोशल मीडियावर तुफान व्हायरल होताना दिसत आहे.