हॅलो महाराष्ट्र ऑनलाईन। (New Marathi Movie) एका वेगळ्या विषयावर भाष्य करणारा ‘धर्मा- दि एआय स्टोरी’ लवकरच चित्रपटगृहात प्रदर्शित होणार आहे. आर्टिफिशियल इंटेलिजन्सवर आधारित हा पहिलाच मराठी चित्रपट असल्याने सगळ्यांनाच या चित्रपटाबाबत एक विशेष उत्सुकता आहे. या चित्रपटाची घोषणा झाल्यापासून प्रेक्षक पुढील अपडेटसाठी आतुर आहेत. या चित्रपटाचे दिग्दर्शन स्वतः अभिनेता आणि निर्माता पुष्कर जोग करत असून चित्रपटात मध्यवर्ती भूमिकेत देखील तो झळकणार आहे. दरम्यान, नुकतीच या चित्रपटाच्या प्रदर्शनाची तारीख समोर आली आहे.
कधी होणार प्रदर्शित? (New Marathi Movie)
पुष्कर सुरेखा जोग दिग्दर्शित ‘धर्मा – दि एआय स्टोरी’ या चित्रपटाची काही दिवसांपूर्वीच घोषणा झाली होती. तेव्हापासूनच या वेगळ्या विषयावर भाष्य करणाऱ्या चित्रपटाची उत्सुकता प्रेक्षकांमध्ये दिसत होती. अखेर या चित्रपटाची तारीख जाहीर झाली असून येत्या २७ सप्टेंबर २०२४ रोजी हा चित्रपट प्रदर्शित होणार असल्याचे समजत आहे. (New Marathi Movie) याबाबत घोषणा करताना एक टिझर व्हिडीओ शेअर करण्यात आला आहे. जो सर्वांचे लक्ष वेधून घेत आहे. या टिझरमधून हा चित्रपट एक रंजक कहाणी घेतोय हे समजते.
टिझर व्हिडीओ
या चित्रपटाचा टिझर व्हिडीओ सोशल मीडियावर व्हायरल होत आहे. या टीझरमागील जबरदस्त संगीत ऐकूनच अंगावर शहारे येत आहेत. तर सिनेमा रिलीजनंतर किती लक्षवेधी ठरेल याचा अंदाज लावता येतोय.
\एका वडील आणि मुलीची गोष्ट या चित्रपटातून आपल्याला पहायला मिळणार असून या चित्रपटाच्या निमित्ताने एक वेगळा विषय मराठी सिनेसृष्टीला मिळणार आहे, असे म्हणायला हरकत नाही. या चित्रपटाच्या तेजल पिंपळे निर्मात्या आहेत. तर पुष्कर सुरेखा जोग, दीप्ती लेले आणि स्मिता गोंदकर यात प्रमुख भूमिकेत दिसतील.
काय म्हणाला पुष्कर जोग?
आपल्या आगामी चित्रपटाबद्दल बोलताना दिग्दर्शक पुष्कर जोग म्हणाला की, ‘काही दिवसांपूर्वीच चित्रपटाच्या चित्रीकरणाची सुरुवात झाली होती. एआयच्या जंजाळात अडकलेल्या आपल्या मुलीच्या शोधात असलेल्या बापाचा प्रवास हा विषय फार आधीपासून माझ्या डोक्यात होता. तेच ‘धर्मा- दि एआय स्टोरी’च्या माध्यमातून दाखवण्याचा माझा प्रयत्न आहे. ज्यांना या विषयाबद्दल फारसे माहित नसेल, त्यांना या चित्रपटाच्या माध्यमातून हा विषय नक्कीच समजेल.
परदेशात फिल्मच्या शुटिंगदरम्यान मला थोडी दुखापतही झाली, परंतु तुम्हा सगळ्या प्रेक्षकांच्या आशीर्वादामुळे आणि प्रेमामुळे मी सुखरूप बाहेर आलो आणि आता येत्या २७ सप्टेंबरला हा चित्रपट तुमच्या जवळच्या चित्रपटगृहात प्रदर्शित होणार आहे. तुमचे प्रेम आणि आशीर्वाद असेच कायम सोबत असूद्यात’.(New Marathi Movie)