हॅलो महाराष्ट्र ऑनलाईन। (New Serial) घराघरात दैनंदिन स्वरूपात मनोरंजनासाठी मालिका पाहिल्या जातात. त्यामुळे मालिका विश्वाचा चाहता वर्ग बराच मोठा आहे. या मालिकांचे कथानक आणि कलाकार प्रेक्षकांना कधी आपलेसे वाटू लागतात ते कळत नाही. त्यामुळे मालिकेतील कलाकार साकारत असलेल्या भूमिका प्रेक्षकांच्या कायम लक्षात राहतात. गेल्या काही दिवसांत अनेक मालिका कमी टीआरपीमूळे बंद झाल्या. तर अनेक नव्या मालिका सुरु देखील झाल्या. अशातच आणखी एक मालिका लवकरच सुरु होणार असल्याचे समजत आहे. ज्यातून अभिनेता सुबोध भावे आणि अभिनेत्री शिवानी सोनार मुख्य भूमिकेत झळकणार आहेत.
नवी मालिका (New Serial)
छोट्या पडद्यावर मालिकांमध्ये प्रसिद्धीसाठी कायम चढाओढ सुरु असते. जी कथानक, त्यातील रंजक वळणे आणि कलाकारांच्या भूमिकांवर अवलंबून असते. मराठी कलाविश्वातील लोकप्रिय अभिनेता सुबोध भावे बऱ्याच वर्षांनी आता छोट्या पडद्यावर पुनरागमन करतोय. याआधी त्याने ‘तुला पाहते रे..’ या मालिकेतून प्रेक्षकांचे मन जिंकले होते. यानंतर आता सोनी मराठी वाहिनीवर येऊ घातलेल्या ‘तू भेटशी नव्याने..’ या मालिकेच्या माध्यमातून तो प्रेक्षकांच्या भेटीस येत आहे. या मालिकेत त्याच्यासोबत ‘राजा राणीची गं जोडी’ फेम अभिनेत्री शिवानी सोनार मुख्य भूमिकेत दिसणार आहे.
‘तू भेटशी नव्याने..’
सोनी मराठी वाहिनीवर सुरु होणारी ‘तू भेटशी नव्याने’ ही मालिका एका वेगळ्या मात्र गोड कथानकासह येत आहे. (New Serial) या मालिकेतून पहिल्यांदाच सुबोध भावे आणि शिवानी सोनार यांची फ्रेश जोडी प्रेक्षकांच्या भेटीला येतेय. नुकतीच मालिकेची पहिली झलक समोर आली असून प्रोमोने मोठ्या ताकदीने सर्वांचे लक्ष वेधून घेतले आहे.
‘नातं जपण्यासाठी सोबत हवी असते फक्त निरंतर प्रेमाची! कारण, जगायला श्वासाची नाही तर, प्रेमाची गरज असते!..’, अशा कॅप्शनसह हा प्रोमो शेअर करण्यात आला आहे.
कधी सुरु होणार?
‘तू भेटशी नव्याने’ ही मालिका नेमकी कधी सुरू होणार? याबाबत अद्याप कोणतीही अधिकृत माहिती समोर आलेली नाही. (New Serial) मात्र ‘सोनी मराठी’वर येऊ घातलेली मालिका लवकरच प्रेक्षकांच्या भेटीला येणार असल्याचे बोलले जात आहे. मोठ्या काळानंतर एक नवीकोरी जोडी आणि दमदार कलाकार एकत्र पाहण्याची संधी प्रेक्षकांचा मिळणार आहे. त्यामुळे प्रोमो पाहिल्यानंतर प्रेक्षकांची उत्सुकता आणखीच वाढताना दिसतेय.