नागपूर : हॅलो महाराष्ट्र – नागपूरात एका व्यक्तीनं आपल्या सात वर्षीय पुतणीवरच लैंगिक अत्याचार केल्याची धक्कादायक घटना घडली आहे. यामध्ये आरोपी काकानं दारुच्या नशेत आपल्या अल्पवयीन पुतणीवर लैंगिक अत्याचार करण्याचा प्रयत्न केला आहे. यादरम्यान पीडित मुलीनं आरडाओरडा केल्यामुळे आरोपी काकाचे हे विकृत कृत्य समोर आले. या घटनेची माहिती मिळताच आसपासच्या लोकांनी नराधम काकाला चांगलाच चोप दिला आहे. यानंतर या लोकांनी आरोपीला पोलिसांच्या ताब्यात दिले.
हि घटना नागपूर शहराच्या सीमेवर असणाऱ्या वाडी पोलीस ठाण्याच्या हद्दीत घडली आहे. या आरोपीने काल सायंकाळी दारुच्या नशेत आपल्या सात वर्षाच्या पुतणीवरच अतिप्रसंग करण्याचा प्रयत्न केला आहे. यानंतर परिसरातील व्यक्तींनी संताप व्यक्त केला. यानंतर परिसरातील नागरिकांनी आरोपी काकाला अर्धनग्न करून मारहाण केली आहे.
आरोपी काका हा दारुच्या नशेत असल्यानं स्थानिकांनी त्याला पोलिसांच्या हवाली केलं आहे. या आरोपी काकाने केवळ आपल्या पुतणीवरच नव्हे, तर परिसरातील अन्य महिलांचीही छेड काढण्याचा अनेकवेळा प्रयत्न केल्याची माहिती पोलीस चौकशीत समोर आली आहे. यानंतर परिसरातील अनेकांनी संबंधित आरोपीचा कायमचा बंदोबस्त लावावा, अशी मागणी केली आहे. या घटनेचा पुढील तपास वाडी पोलीस करत आहेत.