हॅलो महाराष्ट्र ऑनलाईन । मराठा आरक्षणाच्या प्रश्नावरून खासदार छत्रपती संभाजी राजे यांनी अनेकवेळा आंदोलन केले. तसेच मोर्चेही काढले. त्याच्या या वारंवार केल्या जाणाऱ्या आंदोलनावरून भाजप आमदार नितेश राणे यांनी खासदार संभाजीराजे छत्रपतींवर निशाणा साधला आहे. “मराठा आरक्षणासाठी संभाजी राजेंचे 26 फेब्रुवारीला उपोषण आहे. ब्रेक के बाद त्यांची सगळी आंदोलनं आणि उपोषणं असतात, असा टोलाही राणे यांनी लगावला.
नितेश राणे यांनी आज माध्यमांशी संवाद साधला. यावेळी ते म्हणाले की, आतापर्यंत मराठा आरक्षण प्रश्नी अनेक आंदोलने केली गेली, मोर्चेही काढण्यात आले. मात्र ते स्वार्थासाठी काढले जाऊ नये याचे भान असणे गरजेचे आहे.
आज खासदार संभाजीराजे यांच्याकडूनही आंदोलने करण्यात आली. ते आरक्षण प्रश्नी आंदोलनं करतात, ब्रेक घेतात, परत आंदोलनं करतात. संभाजी राजेंचे उपोषण हे मराठा आरक्षणासाठी असावं, ते स्वतःच्या खासदारकीसाठी असू नये.”, असा टोलाही राणेंनी संभाजीराजे छत्रपती यांना लगावला.