नवी दिल्ली । केंद्रीय प्रत्यक्ष कर मंडळाने (CBDT) आयकर विभागाच्या ई-फाइलिंग वेबसाइटवर एक आटोमेटेड ई-पोर्टल (E-Portal) लॉन्‍च केले आहे. या ई पोर्टलला भेट देऊन, कोणीही कर चुकवणे (Tax Evasion) किंवा परदेशात अघोषित मालमत्ता (Undisclosed Property) तसेच बेनामी मालमत्ता संबंधित ऑनलाइन तक्रार करू शकतो. या ई-पोर्टलवर आलेल्या तक्रारींवर विभाग त्वरित कारवाई करेल असे केंद्र सरकारने सांगितले. कर चुकवेगिरी रोखण्यासाठी आणि ई-गव्हर्नन्सला प्रोत्साहन देण्यासाठी ही पुढची पायरी असल्याचे अर्थ मंत्रालयाने (Finance Ministry) म्हटले आहे.https://t.co/UlDpnA2Re5?amp=1
लोकांना ऑनलाइन तक्रार करण्याची सुविधा मिळेल
वित्त मंत्रालयाने म्हटले आहे की, या नव्या पोर्टलच्या माध्यमातून कर चुकवण्यावर अंकुश ठेवण्यात लोकांचा सहभागही (Citizens Participation) वाढेल. यासाठी, लोकांनी https://www.incometaxindiaefiling.gov.in/ वर जाऊन File complaint of tax evasion/undisclosed foreign asset/ benami property इथे कोणत्याही एकावर क्लिक करून तक्रार दाखल करणे आवश्यक आहे. पॅन किंवा आधार कार्डधारकांसह, ही सुविधा त्यांनाही दिली जाईल ज्यांच्याकडे हे दोन्हीही नाही.
या कायद्यांतर्गत तक्रार दाखल केली जाऊ शकते
केंद्राने म्हटले आहे की, मोबाइल किंवा ई-मेलवर आलेल्या ओटीपीच्या मदतीने व्हेरीफिकेशन नंतर कोणतीही व्यक्ती इनकम टॅक्स एक्‍ट 1961 अन्वये, काळा पैसा ( अघोषित विदेशी मालमत्ता आणि उत्पन्न) इंपोजिशन ऑफ द इनकम टॅक्स एक्‍ट 1961 आणि प्रिवेंशन ऑफ बेनामी ट्रान्सझॅक्शन एक्‍ट अंतर्गत आपण वेगळ्या फॉर्मसह तक्रार देऊ शकता. हे तीनही फॉर्म विशेष हेतूने यासाठी डिझाइन केले गेले आहेत जेणेकरून तक्रारदारास कोणतीही अडचण येऊ नये. तक्रार दिल्यानंतर आयकर विभाग तक्रारदारास यूनिक नंबर देईल. तक्रारदार केवळ तक्रारीचे स्‍टेटस केवळ विभागाच्या वेबसाइटवरच तपासू शकतो.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.