Petrol-Diesel च्या वाढत्या किंमती कमी करण्यासाठी सरकारने बनविली ‘ही’ योजना, त्याविषयी जाणून घ्या

ताज्या मराठी बातम्यांसाठी आमचा ग्रुप जॉईन करा
WhatsApp Group Join Now
Google News Join Now

नवी दिल्ली । पेट्रोल आणि डिझेलच्या वाढत्या किंमतींमुळे तुम्ही नाराज असाल तर आता तुम्हाला दिलासा मिळेल. कारण रस्ते आणि परिवहन मंत्रालयाने यासाठी एक विशेष आराखडा तयार केला आहे. खरं तर, परिवहन मंत्रालयाने एक अधिसूचना जारी केली आहे की, 20% इथेनॉल पेट्रोलमध्ये जोडले जाऊ शकेल. जे आपोआप पेट्रोल आणि डिझेलच्या किंमती खाली आणेल. त्याचबरोबर सरकारच्या या निर्णयामुळे प्रदूषणही कमी होईल. चला तर मग त्याबद्दल जाणून घेऊयात …

आता वाहनांमध्ये E20 पेट्रोल वापरला जाईल
आतापर्यंत वाहनांमध्ये E20 कमी प्रमाणात वापरला जात असे. परंतु परिवहन मंत्रालयाच्या सूचनेनंतर पेट्रोलमध्ये 20 टक्के E20 जोडता येईल. यामुळे वातावरणाबरोबरच पेट्रोल आणि डिझेलच्या दरांनाही दिलासा मिळणार आहे. त्याच वेळी कार आणि बाईक उत्पादकांना E20 साठी कोणते वाहन योग्य आहे ते स्वतंत्रपणे सांगावे लागेल, यासाठी वाहनात एक स्टिकर देखील लावावे लागेल.

2025 पर्यंत 20% इथेनॉल ब्लेंडिंग करण्याचे लक्ष्य
सरकारने 2030 पर्यंत 20 टक्के इथेनॉल ब्लेंडिंग पेट्रोल करण्याचे लक्ष्य ठेवले होते, परंतु आता पाच वर्षांपूर्वी केवळ 2025 मध्ये हे साध्य करण्याचे नियोजन आहे. गेल्या वर्षी सरकारने 2022 पर्यंत पेट्रोलमध्ये 10 टक्के इथेनॉल ब्लेंडिंग करण्याचे लक्ष्य ठेवले होते. ऑक्टोबरमध्ये सुरू होणाऱ्या सध्याच्या इथेनॉल पुरवठा वर्षात, पेट्रोलमध्ये 8.5% इथेनॉल ब्लेंडिंग आहे, जे 2022 पर्यंत वाढवून 10% केले जाईल.

सरकारने जाहीर केलेल्या निवेदनात म्हटले आहे, 2025 पर्यंत 20 टक्के इथेनॉल ब्लेंडिंग करण्यासाठी 1200 कोटी अल्कोहोल / इथेनॉल आवश्यक असेल. 700 कोटी लिटर इथेनॉल तयार करण्यासाठी शुगर इंडस्ट्रीला 60 लाख टन अतिरिक्त साखर वापरावी लागेल. तर इतर पिकांतून 500 कोटी लिटर इथेनॉल तयार केले जाईल.

सरकारच्या या निर्णयाचा शेतकऱ्यांना फायदा होणार
परिवहन मंत्रालयाच्या या निर्णयाचा शेतकऱ्यांनाही फायदा होणार आहे. वास्तविक, इथेनॉल  ऊस, मका आणि इतर अनेक पिकांपासून बनविले जाते. ज्यामुळे शेतकऱ्यांना जास्तीचे उत्पन्न मिळेल आणि साखर कारखानदारांनाही फायदा होईल. ज्याद्वारे ते त्यांचे शेतीवरील थकित कर्ज फेडण्यास सक्षम असतील. इथेनॉल खूपच किफायतशीर आहे, त्यामुळे पेट्रोलच्या वाढत्या किंमतींपासून ग्राहकांनाही थोडा दिलासा मिळण्याची अपेक्षा आहे.

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.

Leave a Comment