उन्हाळ्याच्या वाढत्या तापमानामुळे प्रत्येकाला थंड, आल्हाददायक आणि शांत ठिकाणी जाऊन सुट्टी एन्जॉय करण्याची इच्छा असते. गर्दीच्या पर्यटनस्थळांपेक्षा कमी गर्दी असलेल्या ठिकाणी जाऊन निसर्गाच्या सान्निध्यात वेळ घालवण्याचा आनंद काही औरच असतो. जर तुम्हीही तुमच्या समर गेटअवेची योजना आखत असाल, तर ही काही ऑफबीट हिल स्टेशन आहेत, जिथे तुम्ही उन्हाळ्याच्या सुट्ट्या अगदी निवांत आणि आनंददायी घालवू शकता.
लाचुंग (Lachung)
लाचुंग हे सिक्किममधील निसर्गरम्य आणि सुंदर पर्वतीय गाव आहे.गंगटोकपासून साधारण १२० किमी अंतरावर असलेले हे ठिकाण थंड हवामान आणि विलोभनीय निसर्गासाठी प्रसिद्ध आहे. येथे लाचुंग नदीच्या किनारी निवांत वेळ घालवता येईल. हिमालयाच्या बर्फाच्छादित पर्वतरांगांचे अद्भुत दर्शन तुमहाला घेता येईल. ट्रेकिंग आणि जंगल सफारीचा आनंद घेता येईल. पारंपरिक सिक्किमी पदार्थांचा स्वाद तर काही औरच असतो.
उन्हाळ्यातील तापमान:१०°C ते १५°C पर्यंत असते. येथे जाण्यासाठी गंगटोकहून ६-७ तासांचा प्रवास करावा लागतो.
नौकुचियाताल (Naukuchiyatal)
उत्तराखंडच्या नैनीताल आणि भीमतालच्या जवळ वसलेले हे ठिकाण नऊ कोपऱ्यांच्या तलावासाठी प्रसिद्ध आहे. इथे तुम्हाला नैनीतालसारखी गर्दी नसेल, पण तितकाच सुंदर अनुभव मिळेल. तलावात बोटिंग आणि कयाकिंगचा आनंद घ्या. शांत आणि प्रदूषणमुक्त निसर्गरम्य वातावरणाचा आनंद येथे घेता येईल
पक्षी निरीक्षणासाठी हे उत्तम ठिकाण आहे. थोड्या उंचीवर जाऊन पॅराग्लायडिंगचा अनुभव जरूर घ्या येथे उन्हाळ्यातील तापमान: १२°C ते २०°C असते.
काठगोदाम रेल्वे स्थानकापासून अवघ्या ४० मिनिटांचा प्रवास करून तुम्ही येथे जाऊ शकता.
चकराता (Chakrata)
उत्तराखंडमध्ये असलेले चकराता हे ट्रेकर्स आणि साहसी पर्यटकांसाठी उत्तम ठिकाण आहे.हे ठिकाण मसुरी आणि नैनितालसारख्या गर्दीच्या पर्यटनस्थळांपेक्षा शांत आणि अनोखे आहे. थरारक ट्रेकिंग आणि जंगल सफारी साठी हे ठिकाण प्रसिद्ध आहे. प्रचंड उंचीवरून कोसळणारा टायगर फॉल
स्कीईंग आणि रॅपलिंगसारख्या साहसी खेळांचा आनंद येथे घेऊ शकता. स्थानिक गढवाली पदार्थांचा स्वाद जरूर घ्या. येथे उन्हाळ्यातील तापमान:** १६°C ते २५°C असते. डेहराडूनहून ९० किमी अंतरावर हे ठिकाण आहे.
ही सर्व ठिकाणं गर्दीपासून दूर, स्वच्छ आणि निसर्गाच्या सान्निध्यात असलेली आहेत. या उन्हाळ्यात आरामदायी आणि साहसी सहलीचा आनंद घ्या!
