परदेशवारी केली नाही तरी ओमायक्रॉनची बाधा

औरंगाबाद – परदेशवारी करून आलेल्यांनाच ओमायक्रोनची लागण होत असल्याचे आतापर्यंत समोर येत होते. मात्र, परदेशवारी केलेली नसताना ही आता ओमायक्रोन ची लागण होत आहे. शनिवारी अहवाल आलेला 36 वर्षीय तरुण डिसेंबर मध्ये आफ्रिकेहून परतला, तर 27 वर्षे कोरूना युद्धात तरुणीने कुठलाही आंतरराष्ट्रीय प्रवास केलेला नाही.

औरंगाबाद येथील दोघांना ओमायक्रोनची बाधा झाल्याचा अहवाल शनिवारी प्राप्त झाला. या दोन रुग्णात 36 वर्षीय तरुण आणि 27 वर्षाय तरुणींचा समावेश आहे. सुदैवाने हे दोघेही आता निगेटिव आहेत. त्यामधील 36 वर्षीय तरुण 21 डिसेंबर रोजी आफ्रिकेतून शहरात दाखल झाला. प्रारंभी आरटीपीसीआर अहवाल निगेटिव्ह होता. त्यानंतर सात दिवसांसाठी होम क्वारंटाईन झाल्यावर 28 डिसेंबर रोजी पुन्हा तपासणी केली असता, अहवाल पॉझिटिव्ह आला. त्यामुळे तो मेल्ट्रोनमध्ये दाखल झाला. त्या तरुणाने दोन्ही डोस घेतलेल्या आहेत. 7 जानेवारी रोजी तपासणीचा अहवाल निगेटिव आला.

27 वर्षीय तरुणी सिडको परिसरातील रहिवासी असून एका खाजगी रुग्णालयात कार्यरत आहे. कोरोनाबाधित रुग्णांशी संपर्क आल्यामुळे 30 डिसेंबर रोजी आरटीपीसीआर चाचणी केली असता अहवाल पॉझिटिव आला. त्यानंतर 9 जानेवारी रोजी अहवाल निगेटिव्ह दोघांचा शनिवारी ओमायक्रोनचा अहवाल आला आणि यंत्रणेची धावपळ उडाली.