हॅलो महाराष्ट्र ऑनलाईन । पंतप्रधान नरेंद्र मोदी रविवारी ‘स्वामीत्व योजना’ सुरू करणार आहेत. या योजनेंतर्गत प्रॉपर्टी कार्डे फिजिकल प्रॉपर्टी कार्डमध्ये (Physical Property Card) वाटली जातील. व्हिडिओ कॉन्फरन्सिंगद्वारे पीएम मोदी ही योजना सुरू करणार आहेत. पंतप्रधान कार्यालयाने (PMO) शुक्रवारी याचे ग्रामीण भारतासाठीचे ऐतिहासिक पाऊल म्हणून वर्णन केले आहे. ही योजना सुरू झाल्यानंतर ग्रामीण भागातील लोकं कोणत्याही मालमत्तेचा उपयोग लोन किंवा आर्थिक लाभ घेण्यासाठी (Financial Benefits) फायनान्शिअल ऍसेट्स म्हणून करू शकतील.
PMO ने दिलेल्या माहितीनुसार या योजनेंतर्गत 1.32 लाख लोक एसएमएस लिंकद्वारे त्यांच्या जमीनीची कागदपत्रे डाउनलोड करू शकतील. पहिल्या टप्प्यात सहा राज्यांतील 763 गावांना या योजनेचा लाभ मिळणार आहे. यात उत्तर प्रदेशमधील 346, हरियाणा 221, महाराष्ट्र 100, मध्य प्रदेश 44, उत्तराखंड 50 आणि कर्नाटकमधील 2 गावे आहेत. महाराष्ट्राव्यतिरिक्त इतर राज्यांना त्यांच्या जमीनीची कागदपत्रे एका दिवसात डाउनलोड करण्यासाठी एसएमएस लिंक पाठविला जाईल. महाराष्ट्रात प्रॉपर्टी कार्डावर फी आहे, त्यामुळे तिथे महिन्याचा वेळ लागू शकेल.
पहिल्या दिवशी एक लाख लोकांना प्रॉपर्टी कार्ड मिळेल
पंतप्रधान कार्यालयाने सांगितले की, या योजनेच्या लाँच वेळी 1 लाख प्रॉपर्टी धारकांच्या मोबाइलवर लिंक पाठविली जाईल. या लिंकच्या मदतीने ते त्यांचे प्रॉपर्टी कार्ड डाउनलोड करण्यात सक्षम होतील. यानंतर राज्य सरकारतर्फे भौतिक मालमत्ता कार्डांचे वितरण केले जाईल. 6 राज्यांमधील 763 गावांमधील लाभार्थ्यांना मालमत्ता कार्ड दिले जातील. यात उत्तर प्रदेशातील 346, हरियाणामधील 221, महाराष्ट्रातील 100, मध्य प्रदेशातील 44, उत्तराखंडमधील 50 आणि कर्नाटकातील दोन खेड्यांचा समावेश आहे.
प्रॉपर्टी कार्ड एका महिन्यात उपलब्ध होईल
ही योजना सुरू झाल्यापासून एका महिन्याच्या आत महाराष्ट्राव्यतिरिक्त इतर राज्यांतील लोकांना फिजिकल प्रॉपर्टी कार्ड देण्यात येईल. वास्तविक, महाराष्ट्रातील प्रॉपर्टी कार्डवर नाममात्र शुल्क वसूल करण्याची तरतूद करण्यात आलेली आहे. अशा परिस्थितीत महाराष्ट्रातील जनतेला एका महिन्यात प्रॉपर्टी कार्ड देण्यात येईल. नवीन तंत्रज्ञानाच्या मदतीने ग्रामीण भागातील प्रॉपर्टी धारकांना इतक्या मोठ्या प्रमाणात फायदा होण्याची ही पहिलीच वेळ असल्याचे पीएमओने सांगितले.
2024 पर्यंत 6.62 लाख खेड्यांचा फायदा होईल
या योजनेच्या लाँचिंग दरम्यान पंतप्रधान मोदी व्हिडिओकॉन्फरन्सिंगद्वारे लाभार्थ्यांशी चर्चा करतील. SVAMITVA योजना पंचायतीराज योजनेत सुरू केली जाईल. 24 एप्रिल रोजी पंतप्रधान मोदींनी पंचायती राज योजना सुरू केली. 2020 ते 2024 या कालावधीत ही योजना टप्प्याटप्प्याने सुरू केली जाईल. सुमारे 6.62 लाख गावे त्याच्या कार्यक्षेत्रात आणली जातील.
ब्रेकिंग बातम्या मोबाईलवर मिळवण्यासाठी आम्हाला 7875002893 या नंबरला WhatsApp करा आणि लिहा “Hello News”.