बार्सिलोनाचा स्टार खेळाडू लिओनेल मेस्सीची पुन्हा सरावास सुरुवात

हॅलो महाराष्ट्र ऑनलाइन । बार्सिलोनाचा स्टार खेळाडू लिओनेल मेस्सीला बऱ्याच दिवसानंतर फुटबॉलचा सराव करताना पाहणे त्याच्या चाहत्यांसाठी एक आनंददायक भावना होती. शुक्रवारी स्पॅनिश लीगमधील इतर काही खेळाडूंसह त्याने खासगी सराव सत्रात भाग घेतला. कोविड -१९ या साथीच्या रोगामुळे स्पेनमधील लॉकडाऊनमुळे सर्व खेळाडू जवळजवळ दोन महिने ग्राउंडवर उतरू शकलेले नाहीत.

खेळाडूंचा सराव सुरू होणे म्हणजे देशांतर्गत फुटबॉलमधील अव्वल ‘ला लीगा’ लीग सुरु होण्याचे संकेत आहेत.कोरोनामुळे ‘ला लीगा’ला १२ मार्चपर्यंत तहकूब करण्यात आले होते, तर १४ मार्च रोजी खेळाडूंच्या सरावावर बंदी घालण्यात आली होती.

स्पॅनिश सरकारकडून सूट मिळाल्यानंतर बार्सिलोना, सेविला आणि व्हिलारियल या संघांनी प्रथम सराव करण्यास सुरवात केली. शनिवार पासून अ‍ॅटलेटिको माद्रिद आपले कामकाज पुन्हा सुरू करणार आहे तर सोमवारी रिअल माद्रिदचे खेळाडू संघाच्या प्रशिक्षण शिबिरात भाग घेतील.

जूनमध्ये चाहत्यांविना या लीगचे सामने पुन्हा सुरू होईल.कोरोना विषाणूच्या साथीमुळे, संपूर्ण जगात अनेक क्रीडा स्पर्धा ठप्प झाल्या आहेत. यामुळे विविध खेळांशी संबंधित बोर्ड आणि फेडरेशनचे बरेच आर्थिक नुकसान झाले आहे.

अशा परिस्थितीत, सुरक्षितता लक्षात घेऊन बंद दरवाज्या दरम्यान खेळ पुन्हा सुरु करण्यासाठी अनेक देश तयार आहेत. त्याचबरोबर, खेळाडूंनीही मैदानात उतरून आपला सराव सुरू केला आहे त्यामुळे लवकरच आपल्याला अनेक फुटबॉल सामने पाहायला मिळतील अशी अशा आहे.

वाढत्या आर्थिक बोज्यामुळे जर्मन सरकारने ‘बंदेस्लिगा’लीग तसेच कोरियामधील ‘के लीग’ सुरु करण्याला परवानगी दिली आहे.या व्यतिरिक्त, क्रीडा संयोजकांसमोर सर्वात मोठे आव्हान हे आहे की कोविड -१९ च्या या अशा परिस्थितीत क्रीडा स्पर्धा पूर्ण दक्षतेने पूर्ण करणे.

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.