नवी दिल्ली । 2020-21 या आर्थिक वर्षासाठी आतापर्यंत 2.38 कोटीहून अधिक इनकम टॅक्स रिटर्न भरले गेले आहेत. इनकम टॅक्स रिटर्नने मंगळवारी ही माहिती दिली. यापैकी 1.68 कोटी पेक्षा जास्त इनकम टॅक्स रिटर्नची (ITR) प्रक्रिया करण्यात आली आहे, तर 64 लाखांहून अधिक प्रकरणांमध्ये रिफंड जारी करण्यात आला आहे.
इनकम टॅक्स डिपार्टमेंटने ट्विट केले, “इनकम टॅक्स ई-फायलिंग पोर्टलला आर्थिक वर्ष 2021-22 साठी 2.38 कोटी पेक्षा जास्त ITR मिळाले आहेत.” तसेच लवकर फाइल करण्याची विनंती केली आहे.
सरकारने 2020-21 या आर्थिक वर्षासाठी ITR भरण्याची अंतिम तारीख दोनदा वाढवली आहे. करदात्यांची इनकम टॅक्स रिटर्न भरण्याची शेवटची तारीख 31 डिसेंबर आहे.
इनकम टॅक्स पोर्टलवर खाते अपडेट करा
इनकम टॅक्स रिटर्न भरण्याची प्रक्रिया सुलभ करण्यासाठी सर्व आवश्यक कागदपत्रे सोबत ठेवणे महत्त्वाचे आहे. बहुतेक पगारदार करदाते ITR-1 फॉर्म वापरतात आणि बहुतेक माहिती त्यात आधीच भरलेली असते. यासोबतच सर्वात महत्त्वाची गोष्ट म्हणजे नवीन इनकम टॅक्स पोर्टलवर तुमचे बँक खाते अपडेट केल्याशिवाय तुम्ही ITR फाइलिंग करू शकत नाही. त्यामुळे खाते अपडेट करण्याची खात्री करा. खाते अपडेट केल्यानंतर, एकदा तुम्ही सर्व बँक माहिती नवीन पोर्टलमध्ये अपडेट केली आहे की नाही याची पुष्टी करणे आवश्यक आहे.