चंदीगड । अमृतसरच्या भारत-पाक सीमेवर असलेल्या मोकळ्या जागी पाकिस्तानी अधिकाऱ्यांनी सुमारे 10 क्विंटल हेरॉईन आणि इतर अमली पदार्थ जाळले. ज्याच्या काळ्या धुरामुळे त्याभागातील आकाश आच्छादित झाले. तसेच त्याची दुर्गंधी भारताच्या त्या सीमावर्ती भागात पसरू लागली. एका मीडिया रिपोर्टनुसार इंटीग्रेटेड चेक पोस्ट (Integrated Check Post) वर झिरो लाइन ओलांडून 800 मीटर अंतरावर पाकिस्तानचे कार्गो आहे. तिथेच रात्री अकराच्या सुमारास कारवाई करण्यात आली.
असे म्हटले जात आहे की, सामान्यत: कस्टम डे वर, विभाग मादक पदार्थ भट्टीमध्ये नष्ट करतात मात्र पाकिस्तानची गोदामं त्याआधीच पूर्ण भरली गेली होती. मादक पदार्थांची ही खेप भारतात येणार होती पण ती सीमेवर सावधगिरी बाळगल्यामुळे ती पोहोचू शकली नाही.
तस्कर पाकिस्तानातून हेरॉईन आणि इतर ड्रग्सची तस्करी करण्यासाठी अनेक नवनवीन पद्धती वापरतात. पहिले ते हेरोइनसह इतर मादक पदार्थांची तस्करी करण्यासाठी लहान पॅकेट्स तयार करतात. नंतर हे पॅकेट्स एकत्रितपणे जोडून अंडाकृती तयार करतात. जेणेकरून पाईपमध्ये ते पॅकेट्स टाकून ते भारताच्या सीमेवरुन पुढे जाऊ शकतील. त्यानंतर भारतीय सीमेवर उभे असलेल्या तस्करांना पाईपच्या दुसर्‍या बाजूला असलेली पाकिटे मिळतात. ही क्रिया अवघ्या काही मिनिटांतच पूर्ण केली जाते. सीमेवर तैनात असलेल्या सैनिकांना बर्‍याच वेळा याविषयी माहिती देखील नसते कारण दोन चौक्यांमधील अंतर खूप जास्त असते.
BSF चे कर्मचारी उंटांवर आणि पायी गस्त घालतात. मात्र रात्रभर लांब-लांबपर्यंत गस्त घालूनही असा काही भाग शिल्लक राहतो, जिथे सैनिक सहसा पोहोचू शकत नाहीत. तस्करांना अशा जागा माहित असतात. तस्कर इतके धूर्त असतात की, तस्करीसाठी ते अनुकूल वातावरणाची वाट पाहतात. इतकेच नाही तर हवामानावरही त्यांचे पूर्ण लक्ष असते. हिवाळ्यामध्ये आणि उन्हाळ्याच्या वेळी रात्री गडद धुके असेल तर तस्कर अंमली पदार्थ आणि पैश्यांची देवाणघेवाण करतात.
राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी आमचा WhatsApp ग्रुप Join करा