नवी दिल्ली । पाकिस्तानने पाकव्याप्त काश्मीरमध्ये हवाई तळ उभारण्याचे काम सुरू केले असल्याची धक्कादायक बाब समोर आले आहे. नुकत्याच घेतलेल्या सॅटेलाइट छायाचित्रातून ही बाब समोर आली असून भारतासाठी चिंतेची बाब आहे. सामरिक रणनीतीच्या दृष्टीनं या हवाई तळाचा वापर भारताविरोधात होण्याची दाट शक्यता आहे. भारताविरोधात युद्ध झाल्यास त्याची पूर्वतयारी म्हणून हा हवाई तळ बनवला जात असल्याची चर्चा आहे.
मिळालेल्या माहितीनुसार, सॅटेलाइट छायाचित्राची पडताळणीत पाकव्याप्त काश्मीरमधील स्कार्दू भागात हा हवाई तळ बनवला जात असल्याचे ओपन सोर्स इंटेलिजेंस एनॉलिस्ट Detresfa ने दावा केला आहे. पाकव्याप्त काश्मीरमधील स्कार्दूमध्ये पाकिस्तान या हवाई तळाचे विशेष महत्त्व असून भारताची चिंता वाढवणारी बाब आहे. या हवाई तळापासून श्रीनगर आणि लेह फक्त २०० किमी दूर आहेत. या हवाई तळावरून उड्डाण केल्यानंतर पाकिस्तान हवाई दल अवघ्या पाच मिनिटांत भारतात प्रवेश करू शकतात.
स्कार्दू येथील नवीन हवाई तळावर भूमिगत फ्यूल स्टेशन आणि शस्त्रागार ही उभारण्यात येणार आहे. या हवाई तळावरून पाकिस्तान चीन-पाक इकॉनॉमिक कॉरिडोअरची देखरेख करू इच्छितो. स्कार्दूमध्ये आधीपासून नागरिकांच्या सोयीसाठी विमानतळ आहे. मात्र, लष्करासाठी, हवाई दलासाठी हवाई तळ उभं करण्याचे काम सुरू आहे. या हवाई तळाचा वापर चीनचे हवाई दलही करू शकतात, अशी शक्यता वर्तवण्यात येत आहे.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News.”