हॅलो महाराष्ट्र ऑनलाईन । सोशल नेटवर्किंग प्लॅटफॉर्मने नुकतेच एका अहवालात असा खुलासा केला आहे की जगभरातील सरकारच्या विनंतीवरून गेल्या वर्षाच्या शेवटच्या सहा महिन्यांत तब्बल १५,८२६ पोस्ट ब्लॉक केल्या गेल्या आहेत. रशिया, पाकिस्तान आणि मेक्सिको या देशांमध्ये सर्वाधिक पोस्ट ब्लॉक करण्यात आलेल्या आहेत.
फेसबुकच्या मते, १ जुलै ते ३१ डिसेंबर २०१९ दरम्यान रशियाच्या विनंतीवरून फेसबुक आणि इंस्टाग्रामवर २,९०० पोस्ट ब्लॉक केल्या गेल्या. या यादीत पाकिस्तान हा देश दुसर्‍या क्रमांकावर आहे. पाकिस्तानच्या विनंतीवरून २,२७० पोस्ट ब्लॉक केल्या गेल्या.
फेसबुक आणि इंस्टाग्रामवरील अशाच पोस्ट ब्लॉक केल्या गेल्या ज्यामध्ये त्या त्या देशांच्या स्थानिक कायद्यांचे उल्लंघन केले जात होते. फेसबुकने प्रसिद्ध केलेल्या आपल्या एका अहवालात असे म्हटले आहे की पाकिस्तान टेली कम्यूनिकेशन अथॉरिटीच्या आदेशानुसार २,२७० पोस्ट माध्यमांमध्ये पोहोचण्यापासून रोखण्यात आले आहे. इतकेच नाही तर फेसबुकने २०१९ च्या पहिल्या सहा महिन्यांतही सुमारे ५,६९० पोस्ट्स ब्लॉक केल्या होत्या, परंतु या पोस्ट्सबाबत अजूनपर्यंत कोणताही खुलासा झालेला नाही. फेसबुकने म्हटले आहे की पीटीएच्या विनंतीनुसार, पाकिस्तानी कायद्याच्या उल्लंघनाच्या श्रेणीत येणाऱ्या या पोस्टना लोकांपर्यंत पोहोचण्यापासून प्रतिबंधित करण्यात आले आहे.
पोलिओ लस मोहिम रोखण्यासाठी, न्यायालयीन किंवा धार्मिकदृष्ट्या अपमानकारक माहिती किंवा देशाच्या स्वातंत्र्यासाठी आणि प्रतिष्ठेच्या विरुद्ध असलेली माहिती सरकारच्या विनंतीवरून ब्लॉक केली जाते. फेसबुकच्या मते, जानेवारी २०१९ ते जून २०१९ च्या तुलनेत गेल्या वर्षीच्या शेवटच्या सहा महिन्यांत फेसबुक टूल्स आणि पेजवर प्रवेश रोखण्यासाठी पाकिस्तान सरकारने केलेल्या विनंत्यांची संख्या कमी झाली आहे.
यामध्ये यूझर्सच्या डेटामध्ये प्रवेश करण्याच्या विनंत्या वाढल्या आहेत. अहवालानुसार, मागील वर्षाच्या पहिल्या सहा महिन्यांत, यूझर्सच्या डेटामध्ये प्रवेश करण्यासाठी १८४९ विनंत्या मिळाल्या आणि गेल्या सहा महिन्यांत २००० हून अधिक विनंत्या प्राप्त झाल्या. हा डेटा संपूर्णपणे पाकिस्तानचा आहे.
पाकिस्तानमध्ये कोरोना विषाणूची संख्या ही ३५,७८८ पर्यंत वाढली आहे आणि मृतांचा आकडा हा सातशेच्या पुढे गेला आहे. डिजिटल मीडिया एक्टिविस्ट फरहान हुसेन यांनी या विषयावर म्हटलं आहे की पोस्ट ब्लॉक करण्यामुळे फेसबुक किंवा इन्स्टाग्राम वापरकर्ते आता अधिक सावध झाले असल्याचे दिसून येत आहे.फरहान म्हणाले की, फेसबुक यूझर्सच्या डेटामध्ये प्रवेश करण्याची विनंतीत वाढ होणे ही चिंतेचा विषय आहे. मात्र पीटीएने अद्याप फेसबुकच्या या अहवालावर कोणतीही प्रतिकिया दिलेली नाही.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.
