मुंबई | मराठा आरक्षणाच्या मुद्द्यावरुन विरोधकांनी सरकारला चांगलेच धारेवर धरले आहे. विधिमंडळाच्या हिवाळी अधिवेशनात मराठा आरक्षणावरुन रान उटलेले असताना भाजपा नेत्या पंकजा मुंढे मराठा आरक्षणावरुन नाराज असल्याचं वृत्त सोशल मिडियामधे व्हायरल झाले होते. यावर मुंढे यांनी आज पत्रकारांशी संवाद साधल. ‘मी मराठा आरक्षणाच्या विरोधात आहे ही तर अफवा’ असं विधान करत त्यांनी मराठा आरक्षणाबाबतच्या आपल्या भुमिकेचे स्पष्टीकरण दिले आहे.
मराठा समाजाचे परळी येथील मैदानात आरक्षणासंदर्भात जे आंदोलन झाले तेव्हा मी तिथं जाऊन यासंर्भात मुख्यमंत्र्यांशी बोलून आरक्षणाचा पाठपूरावा करेण असा शब्द दिला होता. त्यामुळे ‘मराठा आरक्षणाच्या मुद्यावरुन पंकजा मुंढे नाराज’ अशी चुकीची बातमी लावून लोकांच्या मनामधे मनभेद करण्याचा प्रयत्न टाळावा अशी मी विनंती करते’ असे मुंढे यांनी पत्रकारांशी बोलताना सांगितले. तुम्ही नाराज होऊन बैठकीतून उठून गेला होतात? असे विचारले असता, ‘मराठा समाजाच्या आरक्षणाच्या उपसमितीची मी मुळात सदस्यच नाही. त्यामुळे बैठकीतून नाराज होऊन उठून जाण्याचा प्रश्नच उद्भवत नाही’ असे स्पष्टीकरण मुंढे यांनी दिले.
मराठा अारक्षणावर आपली भुमिका काय आहे असे विचारले असता, ‘आरक्षणाच्या विषयावर आज मुख्यमंत्री खुलासा करणार आहेत. मराठा समाजाला आरक्षण दिलं पाहीजे, ओबीसी समाजाच्या आरक्षणाला धक्का न लावता दिलं पाहिजे. मुख्यमंत्री स्वत: सुद्धा याच मताचे आहेत. आणि मला पुर्ण विश्वास आहे की ते योग्य आणि प्रबळ निर्णय घेतील’ असे मत व्यक्त केले.
I am NOT part of cabinet subcommittee which is deciding Maratha reservation so it is completely false news that I walked out of that meeting. I always supported Maratha reservation, provided it must not affect OBC rights.
— PankajaGopinathMunde (@Pankajamunde) November 29, 2018
I am very much sure CM @Dev_Fadnavis ji will evaluate all the factors n give justice to deprived Maratha safeguarding OBC rights in the state @MiLOKMAT @JaiMaharashtraN @abpmajhatv
— PankajaGopinathMunde (@Pankajamunde) November 29, 2018