पालघर | मुख्यमंत्री देवेंद्र फडणवीस यांच्या हस्ते जव्हार नगरपरिषदेच्या शताब्दीपूर्ती पर्यटन महोत्सव सोहळ्याचे उद्घाटन करण्यात आले. यावेळी पालघरमधील ८५० पथदिव्यांचा आणि पर्यटनविषयक संकेतस्थळाचाही शुभारंभ करण्यात आला व कुपोषण मुक्तीसाठी सुरू असलेल्या ‘राष्ट्रिय पोषण महिना’ मोहिमेच्या भित्तीपत्रिकेचे प्रकाशनही करण्यात आले.
जव्हारच्या पाणीपुरवठ्यासाठी १७.३६ कोटी, पर्यटनवृद्धी १० कोटी,शहरातील विकास कामांसाठी १० कोटी रुपये मंजूर करण्याची मुख्यमंत्री यांनी घोषणा केली. जव्हारला उत्तम पर्यटन शहर म्हणून सर्व सोयी सुविधा विकसित करण्यासाठी निधी कमी पडू दिला जाणार नाही अशी ग्वाही मुख्यमंत्र्यांनी दिली.
