पाटण शिक्षण विभागाचा भोंगळ कारभार : तीन महिन्यापूर्वीचा आदेश, तीन तासात अंमलबजावणी करण्याच्या विद्यार्थ्यांना सूचना

कराड | शासनाच्या शिक्षण विभागाने तीन महिन्यापूर्वी दिलेल्या आदेशाची अमंलबजावणी करण्यासाठी पाटण तालुक्यातील शिक्षण विभाग तीन तास अगोदर जागा झाला आहे. शिक्षण विभागाच्या निष्कळजीपणामुळे अनेक विद्यार्थी शिष्यवृत्तीपासून वंचित राहण्याची परिस्थिती निर्माण झाली आहे. विद्यार्थ्यांच्या या नुकसानीस बेजबाबदार असणाऱ्या आणि पालकांना त्रास देणाऱ्या शिक्षण विभागातील अधिकारी, कर्मचारी यांच्यावर कारवाई करण्याची मागणी पालकांच्यातून होत आहे.

पाटण तालुका शिक्षण विभागाला तीन महिन्यापूर्वी विद्यार्थ्यांना शिष्यवृत्तीचे अर्ज देण्यासाठी शिक्षण विभागाला कळविण्यात आले होते. परंतु पाटण तालुक्यातील शिक्षकांनी याकडे दुर्लक्ष केले होते. आज शनिवारी दि. 15 रोजी सकाळी पालकांना शिष्यवृत्ती अर्ज आज दुपारी 3 वाजेपर्यंत जमा करण्यासाठी शिक्षकांचे फोन आले. त्यानंतर पालकांची चांगलीच तारांबळ उडाली. तसेच अर्ज न देणाऱ्या विद्यार्थ्यांना शिष्यवृत्ती मिळणार नसल्याचेही पालकांना शिक्षकांनी सांगितले.

शिष्यवृत्ती अर्ज भरण्यासाठी विद्यार्थ्यांना उत्पन्नाचा दाखला बंधनकारक आहे. उत्पान्नाचा दाखला हा तलाठी याच्याकडून घेवून तो तहसिलदार कार्यालयातून घ्यावा लागतो. त्यासाठी बराच कालावधी जातो. अशावेळी शिक्षण विभागाच्या या निष्ककाळजीपणचा फटाका विद्यार्थ्यांना बसणार आहे. ऐवढेच नाही तर पाटण तालुका हा डोंगर दऱ्यात वसलेला आहे. तेव्हा पाटण तालुक्यातील या बेजबाबदार शिक्षक, कर्मचारी व अधिकारी यांच्यावर कारवाई करण्याची मागणी पालकांच्यातून केली जात आहे.

You might also like