Paytm Money आता सुरू करणार नवीन इनोव्हेशन सेंटर, ‘या’ लोकांना मिळतील नोकर्‍या

नवी दिल्ली । पेटीएम मनी (Paytm Money) आता पुण्यात टेक्नोलॉजी डेव्हलपमेंट अँड इनोवेशन सेंटर सुरू करण्याचा विचार करीत आहे. यासाठी कंपनी मोठ्या संख्येने रोजगारही उपलब्ध करुन देणार आहे. गुरुवारी कंपनीने याबाबत माहिती दिली आहे. पेटीएम मनी नवीन वेल्थ प्रोडक्ट्स आणि सर्व्हिससाठी 250 हून अधिक फ्रंट-एंड, बॅक-एंड इंजिनीअर्स आणि डेटा सायंटिस्ट नियुक्त करेल. कंपनीने एका निवेदनात म्हटले आहे की, “पेटीएम मनी रिटेल इनवेस्टर्ससाठी गुंतवणूक आणि वेल्थ क्रिएशन सुलभ करण्यासाठी प्रयत्न करीत आहे आणि पुण्यात नवीन सर्व्हिस प्रोडक्ट इनोवेशन, विशेषत: इक्विटी, म्युच्युअल फंड्स आणि डिजिटल गोल्ड फॉर’ वर लक्ष केंद्रित करेल.”

कंपनी काय म्हणाली ते जाणून घ्या?
पेटीएम मनीचे मुख्य कार्यकारी अधिकारी वरुण श्रीधर यांच्या म्हणण्यानुसार कंपनीला महत्त्वाकांक्षा पूर्ण करण्यासाठी इंजिनीअरिंगच्या सशक्त प्रतिभेची आवश्यकता आहे. ते म्हणाले, “आम्ही आमच्या ग्राहकांसाठी कमी किमतीच्या तंत्रज्ञानाचा लाभ घेण्यासाठी आणि एक ठोस, नाविन्यपूर्ण आणि स्थिर प्लॅटफॉर्म उपलब्ध करुन देण्यासाठी आमचे प्रयत्न सुरू ठेवू .”

पुणे इनोवेशन सेंटर होण्याच्या दिशेने वाटचाल करीत आहे
वरुण श्रीधर म्हणाले, ‘पुणे उच्च गुणवत्तेच्या शिक्षणासाठी प्रसिद्ध आहे आणि चांगल्या पायाभूत सुविधांचा आणि उत्कृष्ट हवामानाचा एक उत्कृष्ट प्रतिभा पूल उपलब्ध आहे. आमचा विश्वास आहे की, पुणे फिन्टेकसाठी एक इनोवेशन सेंटर बनण्याच्या दिशेने वाटचाल करीत आहे आणि Paytm मनीच्या विस्तार योजनांसाठी देखील एक नैसर्गिक पर्याय हवा होता.”

मार्चमध्ये 1.4 अब्ज डिजिटल पेमेंट व्यवहार
डिजिटल पेमेंट कंपनी पेटीएमने सोमवारी सांगितले की, “त्यांचे मासिक डिजिटल पेमेंट व्यवहार 1.4 अब्जांवर गेले आहेत. ऑफलाईन पेमेंट्स आणि वित्तीय सेवांमध्ये वाढ झाल्यामुळे हा आकडा गाठण्यात यश आले आहे “, असा कंपनीचा दावा आहे. Paytm ने गुरुवारी सांगितले की,”मार्चमध्ये त्यांनी 1.4 अब्जहून अधिक मासिक व्यवहार केले आहेत, ज्यामुळे ऑफलाइन पेमेंट आणि वित्तीय सेवांमध्ये मोठी वाढ झाली आहे.”

पेटीएमचे उपाध्यक्ष नरेंद्र यादव यांनी निवेदनात म्हटले आहे की,”आमच्या युझर्सनी मोठ्या संख्येने पेटीएम सह डिजिटल प्रवास सुरू केला. आता त्यांनी आमच्या आर्थिक सेवा स्वीकारल्या आहेत.” यादव म्हणाले की,”स्ट्रीट फेरीवाले, छोटे दुकानदार आमचा साऊंडबॉक्स स्वीकारत आहेत, ज्यामुळे डिजिटल पेमेंटवर अवलंबून राहण्यास मदत झाली आहे, कारण आता त्यांना प्रत्येक पेमेंटची पुष्टी मिळते.”

राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी आमचा WhatsApp ग्रुप Join करा

Click Here to Join Our WhatsApp Group

You might also like