नवी दिल्ली । कोरोनाशी दोन करत असतानाच भारताने प्रत्येक क्षेत्रात आत्मनिर्भरतेचा मार्ग स्वीकारला आहे. जागतिक गुंतवणूकदारांना आकर्षित करण्यासाठी केंद्रातील मोदी सरकार (Modi Government) अनेक सुविधा देत आहे. गुंतवणूकदारांना भारतीय बाजारपेठेकडे खेचण्यासाठी केंद्र सरकारही नियम व कायद्यांमध्ये बदलही करीत आहे. आत्मनिर्भर भारत अभियानाला धार देण्यासाठी देशामध्ये जास्तीत जास्त परदेशी गुंतवणूक आणणे आवश्यक आहे. यासाठी पंतप्रधान नरेंद्र मोदी 5 नोव्हेंबरला व्हर्च्युअल ग्लोबल इनव्हेस्टर राउंडटेबल समिट (VGIR Summit 2020) ला संबोधित करतील. यात जगभरातील टॉप ग्लोबल इंस्टिट्यूशनल इंवेस्‍टर्स (GII) समाविष्ट असतील.
हे सर्व शिखर परिषदेत उपस्थित असतील
अर्थ मंत्रालय, भारत सरकार आणि नॅशनल इंवेस्टमेंट अँड इंफ्रास्ट्रक्चर फंडसच्या वतीने आयोजित या कार्यक्रमात जगातील दिग्गज इंस्टिट्यूशनल इनवेस्टर्स, भारतीय उद्योजक आणि अनेक नामवंत व्यक्तींचा समावेश असेल. या व्यतिरिक्त केंद्रीय अर्थमंत्री निर्मला सीतारमण, अर्थ राज्यमंत्री अनुराग ठाकूर आणि रिझर्व्ह बँक ऑफ इंडियाचे (RBI) गव्हर्नर शक्तीकांत दासदेखील या कार्यक्रमाला उपस्थित राहतील. इतकेच नाही तर जगातील सर्वात मोठ्या पेन्शन आणि सॉव्हरेन वेल्थ फंडसचे 20 प्रतिनिधीदेखील या कार्यक्रमात भाग घेतील.
या देशांमधील गुंतवणूकदारही असतील
अमेरिका, युरोप, कॅनडा, कोरिया, जपान, मिडल इस्ट, ऑस्ट्रेलिया आणि सिंगापूर येथील ग्लोबल इन्स्टिट्युशनल इन्व्हेस्टर्स पंतप्रधान मोदींचे म्हणणे ऐकतील. जगातील आघाडीच्या वेल्थ फंड कंपन्यांचे (Wealth Fund Companies) सीईओ आणि सीआयओदेखील या कार्यक्रमात भाग घेतील. अनेक गुंतवणूकदार पहिल्यांदाच भारत सरकारच्या अशा कार्यक्रमात भाग घेतील. या राउंडटेबल समिट मध्ये जागतिक गुंतवणूकदारांव्यतिरिक्त अनेक बडे उद्योजकही सहभागी होतील.
या मुद्द्यांवर जोर राहील
VGIR 2020 कार्यक्रमातील मुख्य चर्चा भारतीय अर्थव्यवस्थेच्या वाढत्या चरणांवर आणि गुंतवणूकीसाठी अधिक चांगले वातावरण यावर असेल. यावेळी, जागतिक आणि देशांतर्गत गुंतवणूकदारांसाठी भारतास प्रथम पसंती का असावी याची माहिती पंतप्रधान मोदी देऊ शकतात. गेल्या 6 वर्षात भारत सरकारने कोणत्या स्ट्रक्चरल सुधारणा केल्या आहेत हे पंतप्रधान मोदी सांगू शकतील. त्याचबरोबर ते भारतीय अर्थव्यवस्थेला 5 ट्रिलियन डॉलर्सची अर्थव्यवस्था बनवण्यासाठीच्या रोडमॅपबद्दलही माहिती देऊ शकतील.
ब्रेकिंग बातम्या मोबाईलवर मिळवण्यासाठी आम्हाला 7875002893 या नंबरला WhatsApp करा आणि लिहा “Hello News”.